Rom Kristo-yab 16

1N bua n maad’i k t niipuo Febe nba suun Sankre Kristo‑yab tintaanu n ninŋ nyan tie nimɔn i. 2Ŋanm g gaal’o man Yonmdaan sann po, nyan lan dagd g Kristo‑yab ń gii gaan lieb nand nyan. U gii bua k yin tod’o yen yal nba kul, yin tod’o. G dugn wano mɔno tod niib bonciɛnn, g biɛ tod min mɔno. 3Fuond man Prisiil yen Akilas n po, min yen banm n bo taan g suun Yiesu Kristo po. 4B bo lu b miɛl i g fiel n miɛl. Min kukua kaa tiɛn b ŋanm po, Kristo tintaanu niib nba tie buolfanu yab kul tiɛn b ŋanm po. 5Fuond man Kristo‑yab nba taand lieb g jaand b ŋaapo kul. Ŋanm g fuond man n dɔnn Epaayinɛt, Asi diem n ninŋ wano n bo cind g tuo g ŋuan Kristo. 6Fuond man Mari nba sun tuonn bonciɛnn i po. 7Fuond man n naataani Andronikus yen Sunias, b bo taan g suol tinm i dansalg. B tie Yiesu sundi nba k b sana duo bonciɛnn. Banm n kpiɛ g te Kristo‑yab yen’n. 8Fuond man Anpliyatus, wano nba k n bua’ɔg bonciɛnn t Yonmdaan po. 9Fuond man Urbɛn, yua nba tie t tuonsunlua Kristo n ninŋ, yen n dɔnn Stakis. 10Fuond man Apelɛs nba ŋɔn yen mɔni k u tie Kristo‑yua. Fuond man Aristobul ŋaag yab. 11Fuond man n naataanu Erodiyɔn. G fuond Narsis ŋaag yab nba dug t Yonmdaan po. 12Fuond man Trifɛnn yen Trifos. L puob banle suun tuonn bonciɛnn t Yonmdaan po. G ŋanm g fuond n dɔnn Pɛrsiid nba mɔ sun tuonn bonciɛnn Yonmdaan po. 13Fuond man Rufus, wano nba ŋanm g suun Yonmdaan tuonn lan bual nand. G fuond u naa. U naa tie n po nyan n naa nyan i. 14Fuond man Asinkrit, Filegɔn, Ɛrmɛs, Patrobas, Ɛrmas yen t ninjanm nba be yen’m kul. 15Fuond man Filolɔg yen Juuli, g fuond Nere yen u niipuo, g fuond Olinpas yen Kristo‑yab nba be yen’m kul. 16Fuond fuond man i lieb kul, g ŋanm g lɔn lɔn lieb yen naataann. Kristo‑yab tintaani nba be kul fuond’i. 17N naataani, n bua n tuod g maad’i nii, suol man i kua yen yab nba baad yen paadu yen ŋmadl i siign, g tund niib tundl nba g tuag yen yin gaal yaa tundl nyan. B tie nnyan i g buond niib dindann. Lɔgl’b man. 18G dugn l nibuoli g suun t Yonmdaan Kristo po kaa, b suun b puol po i. B tu ŋanm g luan b lani i, g manŋ b mɔi g bɔnd yab nba k b maalm g saa fagm. 19Yen mɔni, sua kul ban i cɔlunŋ po. L po n te k n pal man i po. Ama n bua k yin fuon yam gii tie bonŋann. Yal nba tie bonbiiug kul yin daa kuand i nuu l n ninŋ. 20L ji kan wai, Yendu nba te g niib kul be k l man bu te yin ŋmaa g mad Sitaan. T Yonmdaan Yiesu ŋalbalg ń gii be yen’i. 21N tuonsunlua Timote fuond’i. N naataani Lusiyus yen Jasɔn yen Sosipatɛr mɔ fuond’i. 22Min Tɛrtiyus nba diɛn kadaaɔg ne, n mɔ fuond’i t Yonmdaan sann po. 23Gaayus mɔ fuond’i. N be u ŋaapo i, Kristo‑yab kul mɔ biɛ taand lieb u ŋaag n i. Erast mɔ fuond’i, wano n diɛ doug n ligli kpaɔg. T ninja Kartus mɔ fuond’i. [ 24T Yonmdaan Yiesu ŋalbalg ń gii be yen i kul. Amɛnn.] 25Tin gii dond man Yendu, k l maa u mɔg paalu g bu fid g te k i dindann ń ŋanm g pugn, nyan min muand Laabamann nba Yiesu Kristo po n maad nand nyan. Yendu ŋasiil nba bo wuo hal bina nba g mɔg dugl, g ji tan dɔgd mɔlane mɔ biɛ maad lann i. 26Ama mɔlane po l ŋasiil ji dɔgd, g dugn Yendu sogni‑nba diɛn kadaad n ninŋ nyan Yendu nba l be youg kul n bo sen nand nyan, g buolfanu yab kul ń bann gii dug u po, g cɔlm’o. 27Yendu kukua n tie yanfodaan. Dondl tie u yal i Yiesu Kristo sann po, saa yen youg nba g mɔg juog. Amɛnn.

will be added

X\