Dɔgdu 8

1Pebig n yaan tabd kadaaɔg bontabnkaliel munlile po ŋann yaa youg, g polu kul te silb k l g luol nyan kudyeonŋ bɔgdm nyan. 2Lann i k n la malɛg‑nba banlile nba tu sie Yendu nunŋ n nyan, k b tie’b naatuna ŋanlile. 3G malɛglua baal g sed salg binbindl buol g diɛ senŋ nne k b tien yen wula k b diɛ g juug ŋubl l n ninŋ. K b tie’og ŋubl k l yab k wan tug g maan salg binbindl nba be Yendu badkog nintual n k b tien yen wula nyan po, g ŋubn k lan taan yen Yendu niib jaandi. 4G ŋuba ŋann muunyii yen Yendu niib jaandi nya malɛg nuu n ninŋ g do Yendu buol. 5G malɛg tug wula senŋ ŋann, g nyiɛd muukuana salg binbindl po g gbien, g lu tinŋ po. Lann i g tatintandi tand, g fuug tien, g tanyigdi nyigd, g tinŋ jeg. 6G malɛg‑nba banlile nba bo gaal naatuna ŋanlile nyan bobnd g bu pieb. 7G cincinn malɛg pieb u naatunn, g tacena yen muu ŋmad yen sɔm g baa tinŋ n. G tinŋ bɔgdm taal muntaa po dii muu, g tiidi bɔgdm taal muntaa po mɔ dii muu, g mɔsɔnŋu kul dii muu. 8G munle po malɛg pieb u naatunn, g bonn nne tie nyan jual nyan, g yab hal bonciɛnn g so muu, g baa mɔgl n ninŋ. G mɔgl bɔgdm taal muntaa po kpand sɔm, 9g Yendu n tag bonfuoda nba kul k l be mɔgl n ninŋ, k l bɔgdm taal muntaa po kpe, g ŋadnciɛnd nba be mɔgl n ninŋ, k l bɔgdm taal muntaa po biɛl l n ninŋ. 10G muntaa po malɛg pieb u naatunn, g ŋmaabig nba yab g so muupienu nyiɛ polu po g baa bɔnciɛnd bɔgdm taal muntaa po n ninŋ yen nyunbunbuna n ninŋ. 11K l ŋmaabig sann tie « Bontuntond ». K wan bo baa bɔgyenn n ninŋ nba nyan nyum kul tonŋ bag bag. G niib bonciɛnn nyuu g kpe g dugn l nyum tonu po. 12G munna po malɛg pieb u naatunn, g yendu bɔgdm taal muntaa po biil g bɔnn ; g ŋmaalg bɔgdm taal muntaa po biil g bɔnn ; g ŋmaabid bɔgdm taal muntaa po biil g bɔnn. Lann i g yendu n yinyiem bɔgdm taal muntaa po ji g yien. K l biɛ tien nnyan nyiɛɔg mɔ. 13L youg k n diid g la kɔnbaciil k u yugl g be hal polu po, k n gbad k u yign yen paalu g tua: « Yubɔnn, yubɔnn, yubɔnn bu baal tinŋ po ne niib g dugn malɛg‑nba bantaa nba tenn nyan n bu pieb b naatuna nba nyan po. »

will be added

X\