Mark 8

1L dana n ninŋ, g niwulug yaan tigl Yiesu buol g g mɔg siɛl g bu di. Lann i g Yiesu yiin u ŋuantieb g maad’b: 2« Niwulug ne bonn mɔg’n ninbaaɔg, g dugn dana ŋantaa n nyan k b be yen’n, b g mɔg siɛl g bu di. 3N gii yed k n cab’b k ban kun yen kom, b kan la paalu nba k b bu fid g sonm g pund ŋaag, g dugn siɛb nyiɛ hal banfagl i. » 4Lann i k u ŋuantieb maad’o: « Tin be tinkuonŋ ninŋ naan ne, t bu la jied lɛ i g din yaa niwulug ne kul, k ban guo i ? » 5G Yiesu bual’b k b mɔg kpanu ŋanŋaa i ? K b yed g kpanu ŋanlile. 6G Yiesu te g niwulug kaln tinŋ n, k u gaal l kpanu ŋanlile, g tien Yendu balg, g jend jend g tie u ŋuantieb k ban biid niib. K b gaal g biid biid niib. 7L sua k b biɛ mɔg jani mɔ waam. K u tug l mɔ g tien Yendu balg g tie u ŋuantieb k ban biid niib. 8K b kul ŋman g guo. K b taan bonjena nba tenn k l gbie kpancubd ŋanlile. 9Niib nba bo dii l jied bo g luol niib tuda ŋanna. G Yiesu cab niib l buol, 10k wan yen u ŋuantieb kua ŋadunŋ n l youg mɔno g gad Dalmanuta doug n. 11Farisiɛn-nba bo baal Yiesu buol k b sie g nai yen lieb. Ban bo bua ban bign’o nyan, k b miɛl k wan tien yaalidug bonn g ŋɔn k u paalu nya Yendu buol i. 12G Yiesu fuod g jiin g maad: « Laabaal g mɔlane niib ne miɛd yaalidug bonn i ? Yen mɔni n maad’i, yinm mɔlane niib ne, i kan la siɛl yaa yaalidug bonn. » 13Lann i k u ŋaa’b l buol, g guan g kua ŋadunŋ g saa bɔngbanliel po. 14Yiesu ŋuantieb bo sunn g g tug kpanu. Kpanu yenn kua n bo tenn, g be b buol ŋadunŋ n ninŋ. 15Lann i g Yiesu kpaa’b g maad: « I ban ii, suol man i kua yen Farisiɛn-nba dibina yen Erod dibina. » 16K u ŋuantieb ji mali k ban yaan g tug kpanu nyan i k u maad’b nnyan. 17G Yiesu bann b maalm g bual’b: « Laabaal k i mali nnyan i, k yin g tug kpanu po i ? I biɛ daa g gbiɛ bona niimn ii ? I nuni po biɛ daa l g fand ii ? L biɛ daa l g maad’i baa siɛl ii ? 18I mɔg ninbina, g laabaal k i g nyuan i ? G mɔg tuba g yen g gbiɛ i ? I g tiɛn 19min daan jend jend kpanu ŋanmu nba g din niib tuda ŋanmu i ? Kpanu jena kpancubd ŋanŋaa i, k i daan wod g gbien i ? » K b yed g piig yen kpancubd ŋanle. 20« K min daan jend jend kpanu ŋanlile nba, g din niib tuda ŋanna i, kpanu jena kpancubd ŋanŋaa i, k i daan wod g gbien i ? » K b yed g kpancubd ŋanlile. 21Lann i k u bual’b: « I biɛ ji g gbad l niimn ii ? » 22Yiesu yen u ŋuantieb bo pund Bɛtsayida. K b baal yen juan nne u buol g miɛl’o k wan sii l juan. 23G Yiesu suol u nuu k b nyiɛ doug kunŋ. Lann i g sii mɔsand g tien juan ninbina n, g maan u nui u po, g bual’o k u nyuan siɛl ii ? 24G juan ligd ninbina g maad: « N nyuan niib k b sonm g naan nyan tiidi nyan. » 25G Yiesu biɛ guan g maan u nui juan ninbina po. K u nyuand tiii, k u ninbina paag k u ji ŋanm g nyuan bona kul. 26G Yiesu maad’o k wan gii kun g ji daa gɔ baa doug n. 27Yiesu bo saa yen u ŋuantieb Sesaare Filiip dingbankunkogi n ninŋ. Ban bo paa sɔnu po, k u bual u ŋuantieb: « Niib tua k n tie ŋmaa i ? ». 28K b ŋmiɛn’o: « Yenm tua k a tie San Nyunwultua i, g lieb tua k a tie Eli i, g lieb mɔ tua k a tie Yendu sogni‑nba ninŋ yend i. » 29G Yiesu bual’b: « K yinm i, i mali k n tie ŋmaa i ? » G Piɛr gaal maam g maad: « A tie Kristo i. » 30Lann i g Yiesu kpaa’b k ban daa ŋaa g sua ń gbad. 31L po n pend, g Yiesu cil g tund u ŋuantieb g maad: « L tie g Nifosaal Bija ń la fala bonciɛnn i. Suif‑nba nikpela yen salg-yidkab ciɛnm yen Yendu Kadaaɔg gbanbanda ń yie’og, ban kpi’ug, k wan yied daa ŋantaa daal. » 32U bo maad’b l lanbona kul g g wuon baa siɛl. G Piɛr yiin’o b banle buol, g fu yen’o g maad: « Yonmdaan, daa maad nnyan. » 33Lann i g Yiesu gbeg g diid u ŋuantelieb, g gaal jad Piɛr po g maad: « Sud ne, a Sitaan ne, a maalm ne g nyiɛ Yendu buol kaa, l tie niib maalm i ! » 34L puol po g Yiesu yiin niwulug yen u ŋuantieb g maad: « Yua nba bua wan ŋuan’n, wan sunn u kua po, g bug u dapunpɔnn gii ŋua’n. 35G dugn yua nba bua wan fiel u miɛl, u bu buon l miɛl. Ama yua nba lu u miɛl g dugn n po yen n Laabamann po, u bu la miɛl. 36Nil gii mɔg ŋanduna bona kul g yen buon u miɛl, n liɛ l nyuad i ? 37U bu tug bɛ i g guan g daa l miɛl i ? 38Nnyan, mɔlane kangbada yen biiddanm siign, b gii taan n sann g muand n Laabamann k l mɔg yua nba fai, Nifosaal Bija mɔ tan bu yie’og, youg nba k u tan bu guan yen malɛg‑nba u Baa yudand n. »

will be added

X\