Saak 2

1N naataani, yinm nba dug t Yonmdaan Yiesu Kristo po, yua nba tie yudanddaan, daa mɔg man siɛl yaa lugdm niib siign. 2L gii tie k i be tintaanu n, g nil tan baal g kua g pil nuubinyinn nba k b tien yen wula, g biɛ liɛ tiɛŋand, g talg mɔ baal g kua g liɛ tiɛpadma, 3k i cɔln yua nba liɛ tiɛŋand nyan, g maad’o k wan baal g kaln kinkaanŋanu ne po. G yen ji maad talg nuan k wan gii sie l buol, lann i kaa k wan baal g kaln i taaŋmaabuol, tinŋ n ninŋ. 4I gii tie nnyan i siign, i g mɔg lugdm kaa nyan ii ? L ŋɔnŋ k i tie nyan buuddanm nba bu yen mɔnkunninkpind nyan i. 5Cenŋ man ne n naataani, Yendu lugd tali i, ŋanduna ne ninŋ, g te k b mɔg ŋalman u buol k l maa b dug u po. U biɛ bua k banm i ń di u bal faal nba k u puon yab nba bua’ɔg. 6Ama k yinm nuan yen ji nund tali. G mɔgda mɔ n yen diɛ g cagn’i, g fuul’i g saa yen’i buuddanm buol. 7Banm n biɛ maad mabiid Yiesu Kristo sanŋann po, sann nba g Yendu tie’i. 8Yendu Kadaaɔg n, yiko nba cie liel‑nba kul maad: « I bua a lua nyan a kua nyan. » L gii tie k i cɔln l yiko, i tuag sɔnŋanu n nyan. 9Ama l gii tie k i mɔg lugdm niib siign, i tie biid n nyan. Yendu yiko bu suol’i nii, g dugn i kpiɛd sɔnu u. 10Yen mɔni, nil gii g cɔln l n ninŋ, baa bonyenn kua, u g cɔln l kul i. 11G dugn yua nba maad k a kan conm, wano n biɛ maad k a kan kpi nil. L gii tie k a g tien cunconm, g yen kpii nil, a g cɔln l yiko n nyan. 12Lann, i gii maad g biɛ tie bona nba kul, yin gii ban g Yendu yiko nba nyanŋ niib yonmd n ninŋ nyan, b tan bu nyii l po i g bu’i. 13Yab g jie lieb ninbaaɔg, buud daal, Yendu bu bu b mɔ g kan jie’b ninbaaɔg. Ama g ninbajienu n yen cie buud. 14N naataani, yua nba yed k u mɔg dindann, k u tuona yen g ŋɔnŋ k u mɔg dindann, n liɛ l nyuad i ? L dindann bu fid g fiel’o oo ? 15L gii tie k i niipuo, lann i kaa k i ninja g mɔg tiɛd g biɛ g laad g di, 16k i ninŋ yend maad’b: « I kun man manu, g daan liɛ tiɛd g biɛ di yin bua nand », k i yen g tie’b siɛl, n liɛ l maam niimn ninŋ i ? 17L tie nnyan i dindann mɔ yaa po. A gii mɔg dindann, k a tuona yen g ŋɔnŋ k a mɔg dindann, a dindann ŋann tie dindankpienn i. 18Sua bu fid g maad: « A mɔg dindann k n mɔ mɔg tuonŋana. » N mɔ bu ŋmiɛn l daan: « Ŋɔn’n a dindann nba g mɔg tuonŋana, k n tug n tuonŋana g ŋɔn’a k n mɔg dindann. » 19A diɛ g Yenduyeno kua n be. L tie mɔni i. Sanpola mɔ biɛ diɛ k l tie nnyan i, g jiwaani mɔg’b k b jegl. 20A g mɔg yam, a bua k a la yen a ninbinn i g bann k a gii mɔg dindann, g yen g mɔg tuonŋana, l dindann tie fam ii ? 21I g tiɛn t yaaja Abraham n bo sun yal ii ? Wan bo tuo g tug u bija Isaak g maan’o salg binbindl po, g bu yid Yendu salg nyan, l tuonŋana po kaa g Yendu bo yiin’o nimɔn ii ? 22N tua a la waa ? U dindann bo yeg yen u tuonŋana i. L tuonŋana n bo ŋɔn yen mɔni k u mɔg dindann. 23L bo tien nnyan i, k ban bo diɛn yal Yendu Kadaaɔg n u po, ji tien yen mɔni. L bo diɛn g maad: « Abraham bo dug Yendu po, l po n bo te g Yendu tug’o k u tie nimɔn », k u biɛ yiin’o k u dɔnn. 24N tua i la waa, nil tie nimɔn Yendu nunŋ n g dugn u tuonŋana po i. L g tie u dindann po kukua kaa. 25Puocunconn nba k b bo yi’ug Rahaab nyan mɔ biɛ bo tien lann n nyan. U bo gaal Israyɛl sundi i, g te k b tɔgn sɔnfanu g nyiɛ doug n. L tuonŋana po i, g Yendu bo yiin’o nimɔn. 26Lann, nyan fuom n tu g be nil gbanu n wan kpe nyan, dindann mɔ gii g mɔg tuonŋana u tu kpe i.

will be added

X\