Ebro-nba 6

1Lann, ŋaa man k tin gii gaan ciɛnm tundl g ji gii saa liig, g tundl nba k t bo kpiɛ g gaal Kristo po nyan, tin daa tun g sie l po. L ji g bual k tin guan g ŋanm g tund’i bona nba ne po kaa. Lan tie g niib ń ŋaa bontitied nba bu baal yen b kuum nyan, gii dug Yendu po, 2yen tundl nba k b tund nyunwulu po, yen ban tu maan nui nil po g jaand u po nyan, yen kpienm yiedu, yen Yendu buud jiɛlu nba g mɔg lebdu nyan po. 3L bual k tin gad liig i, l gii sua g Yendu cab’ti. 4Yen mɔni, yaa danm nba g Yendu yinyiem fand’b, k b gaal Yendu paab, g gaal Foŋanm, g bann Yendu maam n man nand nba, g bann ŋanduna nba baad paalu n tie yal o, g yuand g baa nyan, sua ji kan fid g te banm ń guan g mɔ kua b biid po, g dugn b guan g kpaa Yendu Bija dapunpɔnn po n nyan, g te g niib ji la sɔnu, g sugd’o. 7Tinŋ nba po g taag baa youg kul g sɔnŋl be, g yab nba ko l tinŋ po laad ban bua yal nba, Yendu tu yad u yedŋanm l tinŋ po i. 8Ama l gii tie g kunkoni yen jiɛm n pa l tinŋ po, l tinŋ tie fam i. L kan wai yen Yendu n pol l tinŋ mɔb, ban juod g juu’ug. 9Lann, n dɔnn‑nba, l gii tie k t maad nnyan mɔno, t pala paa i po k i tuag sɔnŋanu nba bu te yin la fielu. 10G dugn Yendu tie mɔnkundaan i. U kan sunm i tuona nba k i sun kul yen buam nba k i ŋɔn u po g sun g biɛ daa l suun Kristo‑yab po. 11Tin bua yal tie g yua kul ń gii diɛ k l paa g daa ŋaa, saa yen juog. Nnyan i k i bu la yin guu yal nba yen i pala kul. 12T g bua yin ŋaa g gbannyagl ń suol’i. T bua yin mɔ ń ŋmaa yab nba bo dug Yendu po g juun g gaal Yendu puoni nyan, taabuod n ninŋ i. 13Yendu n bo puon Abraham nyan, u bo puon’o g pol wano Yendu sann po i, g dugn sua g be g cie’og k u bu pol g taa u sann. 14U bo pol g maad k nne: « Yen mɔni, n bu yad n yedŋanm a po, g te a yaabuona ń mal gii yab. » 15K Abraham juun g guul, g la Yendu n bo puon’o yal. 16Niib n tu maad maam yal g biɛ pol nyan, b tu pol g taa yua nba cie’b sann i, k l mɔpol po ń daa mɔg mɔniɛɔg. 17Lann, Yendu n bo bua g yab nba bu gaal u puoni ń ŋanm g bann k u maam g mɔg lebdu nyan, l po n bo te k u bo puon g biɛ pol 18k lan te k t pala ń gii paa bonciɛnn. Yendu g fa faaɔg palb, lann n te k t pala paa k wan bo puon g biɛ pol nyan k l g mɔg lebdu. T duo Yendu sandand k u puoni ń paan t pala k t ŋanm gii diɛ dindann nba k t mɔg i. 19L dindann tie t binbem po nyan kudkpiɛgl nba tu kpaa gii diɛ ŋadunŋ nyum n ninŋ nyan i, l g mɔg begnu. Tin daan yua nba ninŋ tu kua polu po jaanddeciɛɔnŋ n, g pend cincenciɛɔnŋ nba juan nyan, g kua hal denuagn ninŋ. 20L buol i, g Yiesu liid g kua t po, g tie salg-yidkab kul ciɛn Mɛlkisedɛk salg-yidkadinu sɔnu n ninŋ, g baa be youg ń tuu youg.

will be added

X\