2 Korɛnt Kristo-yab 4

1Lann, Yendu n yaan jie’ti ninbaaɔg g tug l tuonn g kubn’ti nyan po n te k t g wad t pala. 2Tinm yie bunbɔnn n ninŋ fai tuonn kul o. T g suun ninfantuona, t biɛ g kuand faaɔg mɔ Yendu maam n ninŋ. Tinm maad mɔni kukua i. Nnyan i g nil kul bu fid gii ban u pal n ninŋ tin tie yaa niib nba Yendu nunŋ n ninŋ. 3Ama tin muand Laabamann nba gii tie yal nba duag, l duag yab nba bu biɛl po i, 4yab nba g dug Kristo po, g dugn ŋanduna ne ninŋ yendu n juan b yam, k b kan fid g la Laabamann yinyiem nba ŋɔnŋ Kristo yudand, wano Kristo nba tie Yendu ninnaɔnŋ. 5T g muand k tin ŋɔn t kua kaa, t muand k tin ŋɔn g Yiesu Kristo n tie Yonmdaan, k tinm tie i tuonsunna g dugn wano Yiesu po. 6G dugn Yendu nba bo maad g: « Yinyiem ń gii yien bunbɔnn n ninŋ » nyan, wano n te k u yinyiem yien t pala n ninŋ k tin bann wano Yendu yudand yinyiem nba yien Kristo nunŋ po. 7Ama tinm nba diɛ l ŋalman, t tie nyan tiɛd nba k b maa yen yɔug nyan i. Lann n ŋɔn yen mɔni k l paaciɛnu nba g mɔg l liel nyan nya Yendu buol i, l g nya t buol kaa. 8B mabn’ti ganŋ yen jendu, ama b yen g fid’ti. T yam yag, ama t yam yen g yaad. 9B bel’ti, Yendu yen g ŋaa k b nand’ti. B gul’ti, b yen g fid g biɛn’ti. 10Youg kul t laad Yiesu fala kuum t gbannand n ninŋ i, nnyan i g niib bu la k u miɛl mɔ be t ninŋ. 11Tinm nba daa be g fo ne, t be kuum fiɛl n i youg kul Yiesu po, k u miɛl nba be t gbannand nba bu kpe ne ninŋ ń dɔgd g nil kul ń la. 12Nnyan i g kuum suun tuonn t ninŋ, ama g miɛl suun tuonn i ninŋ. 13L diɛn Yendu Kadaaɔg n g maad: « N dug Yendu po, lann n te k n maad. » T mɔ yaa dindann tie nyan yua bo maad l maam nyan i, t mɔ dug Yendu po, lann n te k t maad. 14G dugn t ban g yua nba yied Yonmdaan Yiesu nyan bu yied t mɔ yen Yiesu g taan tinm yen yinm kul g sen u buol. 15Tin laad fala nba kul, t laad i yaa po i, g niib nba laad Yendu ŋalbalg ń pugn gii yab, k lan baal yen pinpagd Yendu po g pugn, k u sann ń do. 16L po n te k t g wad t pala. Baa t gbannand gii dinŋd g saa mɔno, t yam n ninŋ nuan t pand daal kul i. 17G dugn cicagm nba k t laad mɔlane g yab, l biɛ g wai, t gii bogn l cicagm yen yudand nba k l bu baal yen t po, l yudand yab hal bonciɛnn g biɛ baa be youg kul. 18T pala g kɔn nil n nyuan yal nba po kaa, t kpaan nil n g nyuan yal nba i. Nil n nyuan yal nba g wai, ama nil n g nyuan yal nba nuan be youg kul i.

will be added

X\