2 Korɛnt Kristo-yab 13

1Taal muntaa po n nyan k n bu baal i buol. Nyan lan diɛn Yendu Kadaaɔg n nyan: « Maam nba be kul, l bual k ban cenŋ sieda‑nba banle lann i kaa bantaa yo, g fid g jiɛl l maam. » 2Min bo baal i buol taal munle po, n bo maad’i no, mɔlane n g be i siign, ama n biɛ bua n guan g maad’i g led, g yab nba bo tien biid siɛnyoug yen lieb nba tenn kul ń gii ban k n gii baal n kan ŋaa sua. 3N tua i bua yin bann yen mɔni g Kristo n be n ninŋ g maad a ? I buol u yen g gbal kaa, u ŋɔnŋ i siign n ninŋ k u mɔg paalu. 4L tie mɔni i k ban bo kpaa’ɔg yaa youg nba, paalu bo g be u ninŋ, ama Yendu paalu po, u fo. T mɔ yaa po, l tie nnyan i, t be yen’o g paalu g be t ninŋ, ama Yendu paalu po, t bu ŋɔn’i k t fo yen’o. 5Yinm mɔno ń ŋanm g diid i tug n ninŋ yin tie yab nba, g liɛ i l mɔg dindann ii ? Bign man i kua g diid, i g la g Yiesu Kristo be i ninŋ ii ? Bii i bign g sua k l g tie nnyan yaa aa ? 6Ama n daan k i bu tuo k tinm nuan g bign k l paad’ti. 7G nyaan t jaand g miɛd Yendu k yin daa sun siɛl yaa bonbiil, t g kpaan k tin ŋɔn k t tien k b la kaa, tinm kpaan k yin gii tie ŋanm i. Baa l po gii te g niib ji nyuan k l tie nyan l paad’ti nyan mɔno, l g biɛ. 8G dugn tinm g mɔg paalu nba k t bu pan mamɔni sɔnu, tin mɔg paalu nba tie k tin sun g mamɔni sɔnu ń gad liig kua i. 9Paalu gii pɔd’ti k yinm yen paa, t tu be pamann n ninŋ i. Tin jaand g miɛd yal nba tie k yinm ń ŋanm i binbem g gbenn i canyiin. 10L po n te k n tuod g da’i l kul ne g daa be fagm, k n tan gii pund i buol, min daa tug n yikod g dad i tubl kaa, g dugn Yonmdaan tie’n l yikod k n tod’i yin gad liig i, l g tie k n biɛn’i kaa. 11N naataani, min bu juod g maad’i yal nba n ne: i be man pamann n ninŋ, gii kpaan youg kul k i binbem ń gii ŋan canyiin, i paand man i lieb pala, gii taa mɔb, mɔnd man g manu ń gii be i siign ninŋ, nnyan, Yendu nba bua’i g te k i yam dua nyan baa be yen’i. 12Fuond fuond man i lieb, g lɔn lɔn lieb yen naataann. Kristo‑yab kul fuond’i. 13Yonmdaan Yiesu Kristo ŋalbalg, Yendu buam yen Foŋanm naataann ń taan i kul gii be yen’i.

will be added

X\