1 Timote 4

1Foŋanm maad g g wuon: g dijijuog dani n ninŋ, siɛb bu ŋaa dindann gii ŋua faaɔgdanm yen Sitaan tundl. 2B bu ŋaa munafigidanm ń fa faaɔg g bɔnd’b. B fa faaɔg g bɔnd niib k l biɛ g maad’b baa siɛl. 3L niib n biel jab k ban daa kuand puob, g puob mɔ ń daa kun jab, g kuand niib jeyend. G Yendu yen tag l jied g yab daan u ninŋ, g ban mamɔni, ń tu tien’o balg l jied po g di i. 4Yendu n tag yal nba kul ŋan. Jesiɛd g kua. T gii tien Yendu balg jied nba po kul, t bu fid g di. 5G dugn Yendu maam yen jaandi bu te l jied ń gii ŋan Yendu nunŋ n. 6A gii ŋɔn a ninjanm l kul ne, a tie Yiesu Kristo tuonsunmɔn i. Lann i k a bu ŋɔn g Yendu maam yen ŋan ŋanm g gaal tundŋann nba n tie a jied. 7Ŋaa yal tie youg n telmi, lann tie puciɛna mayuyuod i. Kɔn jad g cɔln Yendu. 8A gii kɔn jad g kub a gbanu, lan bu pugn’a yal baa tie waam nne kua i. Ama a gii kɔn jad g cɔln Yendu, a bu la bonn kul. L n ninŋ i g miɛl be, mɔlane yen youg nba baad. 9Min maad yal ne tie mɔni i. L dagd yen nil ń tuo l maam yen u pal kul. 10T ŋmid nunŋ g kɔn jad, g dugn t tug t dindann kul g tien Yendu nba fo ninŋ i. Wano n tie niib kul Fietua, mandg niib nba dug Kristo po. 11I ŋɔnŋ niib l kul ne, gii tund’b. 12Daa ŋaa g sua nund’a k a tie nipaaɔnŋ po. Mɔnd k a maam n yen a binbem n yen a buam niib po yen a dindann n yen a papienn n, yab dug Kristo po ń la a buol, g bann ban baa be nand. 13I lii Yendu maam kadaaɔg niib kul nunŋ n, gii paand b pala, g tund’b, g sua k n baal. 14Daa sunn Yendu n tie’a ŋalbalg nba, youg nba g Yendu sogni‑nba bo maad g Kristo‑yab nikpela maan nui a po. 15Tug l tuonn g tien a pal n ninŋ, g cab a munn kul, g sun k b kul ń la k a tuona saa liig. 16Ŋanm g nyuand a kua ninŋ yen a tundl n ninŋ, gii mɔg juunn l kul po. Nnyan i, k a bu fiel a kua, g fiel yab nba cenŋ a maam mɔ.

will be added

X\