1 Tɛsaloniik Kristo-yab 5

1N naataani, l bona n bu tien yaa dana nba, lann i kaa lan bu tien yaa youg, l ji g bual k ban diɛn kadaaɔg kaa g maad’i l maam, 2g dugn yinm mɔno ban bonŋann g Yonmdaan baalu baa tie nyan naayig n tu baal nyiɛɔg nyan i. 3Youg nba g niib tan baa tua g yanduanm be, g siɛl yaa yanbani ji g be nyan, l youg mɔno i g doug bu ŋmad g bonn kul ń biil. L tan bu kpil g tien nyan madyiɛlu n tu suol puo nyan i. L youg b ji kan fid g ciɛl. 4N naataani, yinm nuan yen g be bunbɔnn n ninŋ kaa, k l daal bu baal g libl’i nyan naayig nyan. 5I kul tie yinyiem n bid i, g tie yendu n ninŋ yab: t g tie nyiɛɔg yab, t biɛ g tie bunbɔnn n ninŋ yab mɔ. 6Lann t daa gɔ man nyan lieb nyan. L tie k tin gii ceg i, g biɛ gii so t kua. 7Yab gɔ, b gɔ nyiɛɔg u, yab buog daam mɔ buog nyiɛɔg u. 8Ama tinm nuan tie yendu n ninŋ yab i, l tie k tin gii so t kua i. T tug man dindann yen buam lan te nyan kudliɛdl nyan k tin liɛ. G fielu nba k t daan k t mɔg ń gii tie t kudfeglg. 9G dugn Yendu g lugd’ti k u mutuol ń baa t po kaa, u buam tie k t Yonmdaan Yiesu Kristo po tin la fielu i. 10T po i k wano Yiesu kpe k tin fid g taan yen’o gii be, baa t gii kpe lann i kaa t daa gii be g fo. 11Lann, i tod man i lieb gii paand man i lieb pala nyan yin l tie nand nyan. 12N naataani, t miɛd’i k yin gii cɔln yab nba tie liig yab i siign. Yonmdaan n cab’b k ban gii ŋmagd’i g biɛ gii tien’i cegli. 13Ŋanm man gii cɔln’m g biɛ gii bua’b yen i pal kul g dugn ban suun tuonn nba po. I kpaan man g laafiɛ ń gii be i siign. 14N naataani, t miɛd’i k yin maad gbannyagdanm k ban gii suun, yab nba k b pala g ŋanm g paa, yin paan b pala, yab nba g paalu pɔd’b, yin tod’b, gii mɔg pasɔnŋl yua kul po. 15Suol man i kua g sua ń daa guan g ŋmiɛn u lua bonbiiug, ama mɔnd man youg kul gii tie i lieb ŋanm g biɛ gii tie niib kul ŋanm. 16I be man pamann n youg kul, 17gii jaand youg kul, 18bonn kul ninŋ yin tu tien Yendu balg. G dugn Yendu n bua yal nba n nyan yinm yab nba tie Kristo‑yab po. 19Daa panŋ man Foŋanm k wan sun tuonn, 20g biɛ daa nund Yendu sogni‑nba n maad yal nba. 21Tu ŋanm man g mali bonn kul po u, g fid g gann yal nba ŋan. 22Suol man i kua yen yal nba l tie bonbiiug kul. 23Yendu nba te g nil yam dua mɔno ń te k i binbem ń dagd u po canyiin, g guul i munn kul, i tagm yen i nalnŋ yen i gbannand k yin ji daa mɔg siɛl yaa jalgi daal nba k t Yonmdaan Yiesu Kristo bu guan. 24Yua nba yiin’i g tie mɔi yinle daan kaa. Wano n bu tien wan yed yal. 25N naataani, i jaand man t mɔ yaa po. 26Fuond fuond man i lieb kul g lɔn lɔn’m yen naataann. 27N miɛd’i Yonmdaan sann po, k yin mɔnd g lii kadaaɔg ne g Kristo‑yab kul ń gbad. 28T Yonmdaan Yiesu Kristo ŋalbalg ń gii be yen’i.

will be added

X\