1 Tɛsaloniik Kristo-yab 3

1Tin daan mind mind g cɔg nyan i k t ji daan gbal g nyind g be Atɛnn t kukua, 2g nyaan sun t ninja Timote nba tie t tuonsunlua Yendu tuonn po g muand Kristo Laabamann nyan, k wan gad i buol g paan i pala g biɛ te k i ŋanm gii dug Kristo po. 3Nnyan i g sua kan ŋaa g cicagm nba k t laad dinne ne ń ŋmad u yam. Yinm mɔno yen ban k l cicagm, Yendu mɔno n cab k lan tien nnyan. 4Youg nba k t bo be yen’i, t bo tuod g maad’i g niib bu cagn’ti. Yinm mɔno ban k lann n ji baal ne. 5Min daan mind g cɔg nyan po n te k n daan sun Timote k wan gad g di i laabaal g liɛ i daa l dug Kristo po ii ? N daan jie g Sitaan ń bign’i yin ji daa dug Kristo po k t tuonn nba k t sun nyan ń te fam i. 6Ama mɔlane Timote nyiɛ i buol g guan g maad’ti laabamann, g ŋɔn’ti yin l dug Kristo po nand yen yin mɔg buam nand. U maad’ti k i l tiɛn t po youg kul, g biɛ sun k i guan g la’ti, nyan t mɔ ń sun k t guan g la’i nand nyan. 7N naataani, yen tin l be cicagciɛnm n yen pabɔnn n ninŋ nand kul, yin dug Kristo po nyan n te k t pala paag. 8Mɔlane po t ji fuod g jiin g dugn yin l diɛ k l paa g ŋua t Yonmdaan nyan. 9Tinm ji g ban tin bu tien nand g ŋanm g tien Yendu balg i po yen pamann nba k i te k t mɔg u buol ne. 10L po n te g yendu n yen nyiɛɔg, k t l gbaa dunn g miɛd’o k wan cab’ti tin guan g la’i, g pugn’i yal nba pɔd’i yen yin ŋanm gii dug Kristo po. 11T miɛd k t Baa Yendu mɔno yen t Yonmdaan Yiesu ń luod sɔnu k t fid g pund i buol. 12T miɛd Yonmdaan k wan te g buam nba be i ninŋ k i bua i lieb yen niib kul nyan ń ŋanm gii pugd nyan t buam n pugd i po nand nyan. 13Nnyan i k u bu paan i pala k i ji kan gii mɔg jɔgnd, gii tie yab nba g mɔg siɛl yaa jalgi t Baa Yendu nunŋ n, youg nba k t Yonmdaan Yiesu tan bu guan yen yab nba tie u yab.

will be added

X\