1 Korɛnt Kristo-yab 3

1N naataani, n bo g fid g maad yen’i nyan i tie niib nba g Yendu Fuom ŋmagd’b nyan kaa. N bo maad yen’i nyan i tie niib nba diɛ ŋanduna ne niib yam nyan i, nyan i daa tie binyidi i Kristo ŋuanu n ninŋ nyan. 2N bo tie’i biim i k i nyuu, n bo g tie’i jied nba kpai, g dugn i daa bo kan fid g di jekpiɛgd l youg. Baa yen mɔlane mɔno i biɛ daa kan l fid, 3g dugn i biɛ daa l diɛ ŋanduna ne niib yam i. Nanŋ yen kunkɔna n be i siign nyan, lann n ŋɔnŋ k i biɛ daa l diɛ ŋanduna ne niib yam, g be nyan banm nyan. 4I ninŋ yend n tu yed k u tie Pɔl yua, lua ń yed k u tie Apolɔs yua nyan, i g tie nyan nifosaal kul nyan kaa aa ? 5Apolɔs tie ŋmaa i, Pɔl tie ŋmaa i ? T tie Yendu tuonsunna i, g ŋɔn’i dindann sɔnu. Sua kul sun Yonmdaan n cab’o k wan sun yal nba i. 6Min nuan bo bul tibinn i, k Apolɔs jɔg nyum. Ama Yendu n te k l piɛ g duo. 7Lann, yua nba bul g tie siɛl, yua nba jɔg nyum mɔ biɛ g tie siɛl, Yendu kukua n mɔn, g dugn wano n te k l pa g do. 8Yua nba bul yen yua nba jɔg nyum kul tie yenm i. Sua kul tan bu gaal u paaɔg lan dagd yen wan sun tuonn nba i. 9G dugn t taan g suun Yendu tuonn i. Yinm n tie Yendu kpaab, yinm n biɛ tie dieog nba k u maa. 10Yendu n pii’n paab nba n te k n sun nyan tanmaala ciɛn nba mɔg yanfuom nyan, g fag dieog fiɛgl g sua ji maa g tuand l po. Ama yua kul ń ŋanm g bann wan maa nand. 11G dugn fiɛgl nuan yen be o, lann n tie Yiesu Kristo. Sua ji kan fid g fag fiɛgliel. 12Sua bu fid g tug wula, lann i kaa ligtana, lann i kaa tana nba daaɔg paa g maa g tuan l fiɛgl po. Sua mɔ ń tug daad lann i kaa muad, lann i kaa kinkaga g caan l fiɛgl po. 13Ama buud daal i k b ji bu la yua kul yaa tuonn n tie yal nba canyiin, g dugn l daal bu baal yen muu i. Muu n bu bign yua kul tuonn g ŋɔn lan tie yal nba. 14Yua nba g muu g fid g dii wan sun tuonn nba k l tua l fiɛgl po nyan, wano n bu gaal pani. 15Yua nba g muu dii u tuonn nuan kan la pani. U bu ciɛl nuan, g nyaan l yen baa tie nyan u nyiɛ muu n ninŋ i g ciɛl nyan. 16I g ban k i tie Yendu ŋaag i, g Yendu Fuom be i ninŋ ii ? 17To, yua nba tien Yendu ŋaag fam, Yendu mɔ bu tien’o fam g dugn Yendu ŋaag be wano Yendu kukua po i. Yinm n tie l ŋaag. 18Sua ń daa bɔnd u kua. I ninŋ, nil gii mali k u tie yanfodaan nyan ŋanduna ne niib n mali nand nyan, wan tien u kua waad g fid g te yanfodaan yen mɔni. 19G dugn ŋanduna ne yanfuom tie yanluolm i Yendu nunŋ n ninŋ. Nyan lan diɛn Yendu Kadaaɔg n nand nyan: « U tu te yanfodanm ń guan g baa banm mɔno ninfandiɛd n ninŋ. » 20L biɛ diɛn liel buol g maad: « Yonmdaan ban g yanfodanm maalm g tie siɛl. » 21Lann sua ń daa donŋ u kua g dugn nifosaal po, k l maa bonn kul tie i yal i. 22Lan tie min Pɔl ii, lan tie Apolɔs ii, lan tie Kefas ii, ŋanduna ne ii, miɛl ii, kuum ii, mɔlane yen youg nba baad ii, l kul tie i yal i. 23K i mɔ tie Kristo yab, g Kristo mɔ tie Yendu yua.

will be added

X\