ROOM DIMA 7

1Tↄ. M mabiisi, ya kyɛ ka n tↄ'asi n-ti yaseeba ban baŋŋi zaaligu la. Ya na zi zaaligu yɛla ŋↄn nyɛ seem deede, bee? Ni, nira ŋↄn na kpalim m-bɛ u nyↄvuri ni sahanseaa maa kↄkↄ ka zaaligu maa dↄli u: bee bↄa? 2Ya bu nya? - Zaaligu wulisiya, ni, pↄ'a yi kuli doo, di kpa ni, ni, u sira maa su u yɛla sahanseaa lala doo maa yi na bɛ u nyↄvuri ni. Amaa u sira maa kum nyaaŋŋa, zaaligu basi pↄ'a maa taalli ka u su u maŋŋa, halli ni u nin toaai n-kuli siripaalli. Pↄ'a wa yi bↄ dↄsↄ, ka u sira na bɛ u nyↄvuri ni, ba boonni u, ni, pↄ'agoorli; amaa u sira maa yi kpi, zaaligu maa bu laa n-dↄli u, ka u pa pↄ'agoorli, ni ŋↄn kuli siripaalli maa zaa. 4Tↄ, ka di daa nyɛ la lala n-ti ya, m mabiisi. Ba daa kyɛ ka ya paasi Kirisita ningbina zugu ka ku ya, di zugu ya laa n-ka ni n-ti zaaligu yɛla. Ka dizugu ya nya soori ni ya ti leebi sↄ dinni, ŋↄn yisigi kum ni - di nyɛ la Yisa; ni di niŋi anfaani n-ti Naawunni. 5Sahanseaa la, ti beesigu daa dↄli ti ningbinkↄrisi yɛla. Di saha ka tumbeeri tumpu boorimma daa dↄli zaaligu maa n-nya yaa n-tumni ti ningbina luga zaa ni; ka ti daa bu nya anfaani di zugu - ay! kum kↄkↄ ka ti daa nya. 6Amaa pampaŋŋↄ ti kpiya ni n-ti zaaligu maa, ka di zugu zaaligu wa bu laa n-su ti yɛla. Lala yi kyɛ ka ti bu laa n-dↄli sↄkurigu kan nyɛ zaaligu sↄppu maa dinni la, amaa sↄpaalli kan nyɛ Sii maa dinni. 7Dinzugu, ti ya yɛli la wula? - ni, Naawunni zaaligu maa nyɛ la ala'akyi, bee? Ay! pa lala. Amaa di yi da pa la zaaligu la zugu, n naa n-ku baŋŋi ala'akyi ŋↄn nyɛ seelli. Dama zaaligu maa yi da bu yɛli, ni, "Di kyɛ ka i sufu kↄrisi kpɛ i kpeaa buna zugu.", n naa n-ku baŋŋi niriba neema boobu yɛla. 8Ala'akyi daa dↄli zaaligu la n-nya zaazisuŋŋu pↄi, ka naayi kyɛ ka neema boobu teesibeeri balibu pam kpɛ n sufu ni. Amaa zaaligu yi ka ni, Ala'akyi mun gba kpi ni. 9Sahanseaa la, n daa mari nyↄvuri, ka na zi zaaligu yɛla maa. Amaa zaaligu la ŋↄn daa ti paai ma na, ka daa kyɛ ka Ala'akyi neaai ni, 10ka man kpi. Zaaligu la gbinni nyɛ la nyↄvuri, amaa man saani ka daa zi la kum na. 11Zaaligu maa zugu ka Ala'akyi daa nya soori n-yↄmsi ma, n-zaŋŋi zaaligu maa yɛla n-kyɛ ka n kpi. 12Ka di zaa wulisiri, ni, Naawunni zaalikpana maa nyɛ la kasi, ka zaaligu kam zaa yinniyinni nyɛ la bunveelli; a zaa mari la yɛlimaŋni kasikasi. 13Ka bunsuŋŋu dinŋↄ n kyɛ ka kum paai ma la, bee wula? - Ay, pa lala! Ala'akyi n nyɛ din ziiri kum na, ka ka daa dↄlisi bunsuŋŋu wa n-tum lala maa; ka di zugu ka ti baŋŋi ala'akyi beeri ŋↄn nyɛ seem la. Lala zugu ka zaaligu la kyɛ ka tumbeeri zaa yiiri paalu. 14Ti mi halli, ni, zaaligu la nyɛ la seaa kan dↄlisi ni siiya; amaa man mun nyɛ duniya wa ni ninsaala, ka ba koosiri ma ni hoo daabri n-ti Ala'akyi. 15Halli n ku toaai m-baŋŋi man tumni seelli. Dama m bu tumni man boori tunseesi. Ay! - tunseesi man bu boori la zaa ka n tumna. 16Lala zugu, n yi tum taaliseaa ka yɛli, ni, m bu boori lala, n yɛttↄ'a wa wulisiya, ni, zaaligu la veela, ka n sakki lala. 17Ka dinŋↄ pa la mani n tumni taalli maa, amaa Ala'akyi m bɛ n saani n-tumna. 18M mi, ni, bunsunseelli ka m beesigu ni, halli beela - di nyɛ la n duniya wa ni ningbina la ni beesigu ni. M boori tunsuma tumpu, amaa n kↄŋŋi la a tumpu. 19M boori la tunsuŋŋu tumpu n-kↄŋŋi, ka laa n-tumni tumbɛseelli man bu boori maa. 20N yi tum taaliseaa ka yɛli, ni, m bu boori lala, dinŋↄ pa la mani n tumni taalli maa, amaa Ala'akyi m bɛ n saani n-tumna. 21N yi baŋŋi yɛlimaŋni nŋↄa : ni, n yi kur boori ni n ti tumni din veela, lala saha maa ka tumbeoo tumpu bɛ n saani. 22Dama n sufu ni teesa zaa kur sakkri ni n-tiri Naawunni zaaligu tuma, 23amaa m baŋŋiya, ni, zaaliseaa n bɛ n ningbiŋŋu luga ni. Ka lala zaalibeoo tuusiri tↄppu n-niŋni n sufu ni teesa zaalisuŋŋu la, ka nyaŋŋi ma n-gbaai ma nti kpari n ningbiŋŋu luga ni teesibeoo ziiya. 24Waay, waay, waay! Man wahala daana wa! Ŋↄni n lee n-ya fa ma m-basi, n-yiisi ma duniya wa ni ningbina beesigu wa ni, din taasiri ma kum ni? 25Ay! M pɛ'ari Naawunni ka puusiri u barika, dama ŋↄn pun fa ma m-basi, Yisa Kirisita Masiiya ti Dugma zugu. Ah, tↄ! M mammaŋŋa sufu ni teesa puuni ka n dↄli la Naawunni zaaligu sↄsuŋŋu, amaa n duniya wa ni ningbina beesigu puuni ka n na dↄli la Ala'akyi sↄbeoo.

will be added

X\