SALMOS 92

1Ma'xix toclena Nman, ba'n tu'n t-xi k'ot chjonte teya ex tu'n cyxi bitzet ke bitz te nimbil teya. 2Tu'n t-xi k'met te prim ex te konic'an aju tc'ujlalila ma'xix ex aju ttena tz'aklxix, 3tuc'il tk'ajk'ajel cywi chnab arpa ex quitar. 4Nman Dios, in chin tzalaje cyu'n ke tbinchbena. Cyu'n ke tak'unbena ma chin noje tu'n tzalajbil. 5Nman Dios, ma'xix ke tak'unbena, ex ke t-ximbetza jalo poninbaj. 6O'cx keju minti' cynabl mlay tz'el cynic' ti'j. 7Ke xjal mya ba'n, masque che ch'iy ic tza'n c'ul, ex masque che oc k'inun, pero a jlu o'cx c'ajbel tu'n cynaj te jumajx. 8Atzun teya Nman, cucx ctela ma'xix toclena. 9Ax toc Nman, oc che najel ke aj k'oj ti'ja; ex cycyakil ke binchal mya ba'n oc che bajel sputj. 10Tu'na nno'c mastl wipune ic tza'n tipun jun tor, ex in jax tk'o'na perjum tuj nwi'ye. 11Oc wila'ye oc cynaj ke aj k'oj wi'je; ex oc nbi'ye oc tcub cycastiw ke xjal mya ba'n, akeju ma jaw cyi'n cyib wi'je. 12Ke xjal tz'aklxix che tel tuj txubtxaj, ic che oquel ic tza'n ke palma tbanilxix, ex che ch'iyil ic tza'n ke wi'ten twi witz LĂ­bano. 13Ic cyten ic tza'n ke tze' awa'n ke jatum ta' tja Kman. Nno'c cyxmacal ttxa'n pe'n twitz tja Dios. 14Ex cucx nno'c cywitz masque otok che tijin; cucx ctel cyipun ex puro cha'x ke; 15ex oc cxel cyma'n cyja': Tz'aklxixte Kman aju clol weye, ex minti' jun mya ba'n tuc'il.

will be added

X\