SALMOS 90

1Nman Dios, ti'ja nno'c kclon kibe tuj tcyakil abk'i ojtxi ax icx ja'lo. 2Tej na'nxtok tbinchet enter twitz tx'otx', atxix ojtxi ex tuj tcyakil tabk'iyil te jumajx, o'cx aya Dios. 3Cycyakil xjal in che oc juntl maj te tkukil tx'otx' tu'na oc in tma'na cyja': Akeye xjal, che oque te tkukil tx'otx'. 4Ax toc jun mil abk'i tuj twitza mer ic tza'n jun k'ij te ew aju o tz'ex, ex mer ic tza'n nok cab ox or te konic'an. 5In che naj xjal tu'na ic tza'n in che'x ikan tu'n a', ex ic cyten ic tza'n jun witzic', ex ka ic tza'n cha'x c'ul in tzaj pok'l te prim, 6te prim in tzaj t-xul ex in ch'iy, pero te kale in tzkij ex in naj. 7Ax toc in ko naje tu'n tk'oja, ex bi'x in ko sec'paje tu'n. 8Ke kile ex ke kbinchbene mya ba'n in bant tuj ewaj, k'ancha'lxix ke twitza. 9Ax toc aju kk'ije cyja' tbaj tu'n tlaj tk'oja, ex aju kabk'iyile nne'x ic tza'n in tzaj xjik'ban kc'u'je. 10Aju kabk'iyile tu'n ktene tzalu twitz tx'otx' nok 70 abk'i, ex katzun at jun nimxix in ten, in japun twi' 80. Masque ma ko tene nim k'ij twitz tx'otx', pero nok bis ex sictle'n nnic'x ku'ne. Jurat naj in che ex ke abk'i, ax icx keye jurat in ko ic'e twitz tx'otx'. 11Mi a'l jun jacu tz'el tnic' ti'j ta'w tk'oja, ex mi jun jacu tz'el tnic' ti'j nic'pun ttx'u'jila at. 12Ko t-xnak'tzantza tu'n tel knic'e ti'j ax toc nok ch'in tuj kk'ije, tu'ntzun tten knable. 13Nman Dios, tajtza juntl maj kuc'ile, ex cuchiwt tzul naja. K'ak'antz tc'u'ja ki'je ako'ye tmajena. 14Ko tnojsama tu'n tc'ujlalila oc tcub k'ij, ex ko bitzale tu'n tzalajbil tuj tcyakil k'ij te kank'ible. 15K'ontza nim abk'i te tzalajbil te t-xel ju c'ixbisabl keye tu'na ex te t-xel ju bis. 16Yec'untz tbinchbena ma' t-xilen keye ako'ye tmajena, ex yec'untz tipumala tbanilxix cye ke kc'wa'le. 17Kman Dios, binchama xtalbil keye, cuchiwt ba'n tz'ela kak'unbene tu'na, ax toc ba'nwt tz'ela kak'unbene tu'na.

will be added

X\