SALMOS 86

1Nman Dios, chin tbintza ex chin ttzak'wentza porque bisxix atine ex meba kine; 2chin tcloma porque in chin nimane teya. Aya Ndiose chin tcloma, akine tmajena k'ukl nc'u'je ti'ja. 3Nman, k'ak'antz tc'u'ja wi'je, tcyakil or in jaw tk'ajk'ajel nwi'ye ti'ja. 4Nman, tzalajsama nc'u'je akine tmajena, porque twitza in chin cubsane. 5Porque ba'na Nman ex in cub tnajsa'na cyil xjal; nimxix tc'ujlalila cyi'j keju in che cubsan cywitz teya. 6Nman, bintza nna'j Diose, k'ontz twi'ya ti'j ncubsbile twitza. 7Oc in tzaj yajbil weye in xi nkanine onbil teya, porque in chin tzaj ttzak'we'na. 8Minti' juntl aju nno'c cydiosin xjal jacu pon ic tza'n teya Nman. Mlay pon cyak'unben txkantl ic tza'n teya tak'unben. 9Nman Dios, tu'na o che bant cycyakil nasyon, oc che tzajel c'ulul teya ex cjawil cynimsa'n tbiya. 10Porque o'cxcu aya Dios nim toclena, ex in che bant ke binchben nim cyipumal tu'na. 11Nman Dios, yec'untza tbeya weye tu'ntzun woc lpe'ye ti'j tyola axix toc, ex o'cx tu'n nnimane teya. 12Nman Dios, cjawil nnimsa'ne tu'n tcyakil wanmiye ex cucx cjawil nnimsa'ne tbiya. 13Ma'xix tc'ujlalila wi'je. Ma chin clete tu'na tu'n mi'n nxi tz'ake tuj cynajbil cyimni. 14Nman Dios, at jun c'loj xjal in jaw cyniman cyib ex jawni cywitz tu'n cyk'ojin, minti' cyaj ti'ja, ma jaw cyi'n cyib wi'je ex cyaj tu'n ncub cybyo'n. 15Atzun teya Nman Dios, at tc'ujlalila ex at tk'ak'bil tc'u'ja, at tpasensa, ma'xix ju tc'ujlalila ex axix toc tyola. 16Chin tque'yintza, k'ak'antz tc'u'ja wi'je. Chin tcloma akine tmajena. K'ontza wipune. 17K'ontza jun yec'bil ti'j t-xtalbila, tu'ntzun cyjaw ch'ixwi keju in che ic'unte wi'je oc cyque'yinte jlu. Nman Dios, tu'na in tzaj tk'o'na onbil weye ex k'ukbabl nc'u'je.

will be added

X\