SALMOS 80

1Aya Pastor cye aj Israel ko tbintza, aya ẍaklul cye tiyjil José ic tza'n txkan ẍne'l, ex tcubsa'n tk'ukbila cyibaj ke querubín, que'yintza ke tiyjil Efraín tu'n tzalajbil, 2ax icx ke tiyjil Benjamín ex ke tiyjil Manasés. We'ctza ex ko tcloma tu'n tipumala. 3Nman Dios, k'i'n ajtza ti'j kanmiye tu'n kajbene juntl maj teya. Ko tque'yintza tu'n tzalajbil tu'ntzun kclete. 4Nman Dios aya Tajaw Tcyakil, ¿jtoj txi tcolina tu'n tk'ojina ki'je? ¿Jtoj tzaj tbi'na kna'j Diose, ako'ye etzan tu'na? 5Nok ok'el ma tzaj tk'o'na mer ic tza'n kwaye; ex mer ic tza'n kc'aye ma tzaj tk'o'na nim ok'el. 6Ma txi tk'o'na ambil tu'n koc xmayine cyu'n ke nasyon kvesin kibe cyuc'il, ex in che tze'n ke aj k'oj ki'je. 7Nman Dios Tajaw Tcyakil, k'i'n ajtza ti'j kanmiye tu'n kajbene juntl maj teya, ko tque'yintza tuc'il tzalajbil tu'ntzun kclete. 8Tuj tx'otx' Ejipt e je'tz ti'na ke xjal etzan tu'na, mer ic tza'n jun wi' tkan uva, ex ma che ic' tlajo'na ke mastl nasyon tuj cytx'otx' ex ma cu'x tawa'na tkan uva lu. 9Ma baj tak'nana tx'otx', ex aju tkan uva ma txi' tloc' ex ma noj tuj tx'otx' lu tu'n. 10Ma che cyaj ten ke witz tjak' t-xlecumal, ex ke nmak tze' bi'x ma che cyaj baj tjak' t-xlecumal tk'ab. 11Max ma pon ch'iy tk'ab ttzi nima Éufrates. 12¿Tiku'n ma baj t-xituna tpe'n ex ma tak'a ambil cye xjal in che ic' tuj be tu'n tel cyxilin twitz? 13Ma baj naj cyu'n boch te tjak' c'ul, ex ma baj cywa'n ke txcup tuj c'ul. 14Nman Dios Tajaw Tcyakil, tajtza kuc'ile; ko tque'yintza max tuj cya'j ex ximana ti'j tkan uva lu, 15aju axa cu'x awante te, ex tu'nxa ma ch'iy t-xul. 16E cynaj tu'n tk'oja keju in che baj tx'eminte ex nno'cx cyk'o'n tuj k'ak'; 17pero onintza aju xjal ma jaw t-sc'o'na ex aju tc'wa'l tu'nxa ma ch'iy. 18Mlay tz'el kpa'n kibe ti'ja juntl maj; k'ontza kchwinklale ex o'cx teya ko cubsale. 19Nman Dios aya Tajaw Tcyakil, k'i'n ajtza ti'j kanmiye tu'n kajbene juntl maj teya, ko tque'yintza tuc'il tzalajbil tu'ntzun kclete.

will be added

X\