SALMOS 8

1Aya Kman Dios Tajaw Tcyakil, ma'xix t-xilen tbiya tuj tcyakil twitz tx'otx', in pon koptz'aj tajwalila max t-xe'pun cya'j. 2Tu'nju in jaw nimsa'n tbiya cyu'n ke tal c'wa'l cyuc'ix keju na'nx cyel ti'j cych'u', ma jaw tbincha'na jun ja te colbil tu'n cylaj ke aj k'oj ti'ja, tu'ntzun cybaj naj keju miban che niman ex ke aj k'oj. 3Oc in xi nque'yine aju twitz cya'j bant tu'na, aju xjaw ex ke che'w ate'c tu'na twitz, 4in cub nximane: ¿Ti cyxilen ke xjal? ¿Tiku'n cucx in che tzaj tna'na ex cwentin ke tu'na? 5O tbinchaya ke xjal ch'ixmi pon cyoclen ic tza'n ke anjel, ex oc tk'o'na cyajwalil ex nimbil cye ic tza'n jun rey. 6Xi tk'o'na cyoclen tibaj tcyakil tak'unbena, ex cyaj tk'o'na tcyakil tjak' cycawbil. 7Cyaj tk'o'na ke ẍne'l tjak' cycawbil, cyuc'ix ke wacẍ ex ke txcup te tjak' c'ul, 8cyuc'ix ke chyu'j in che lipan twitz cya'j, ke cyiẍ tuj mar ex cycyakil keju ate' tuj mar. 9Aya Kman Dios Tajaw Tcyakil, ma'xix t-xilen tbiya tuj tcyakil twitz tx'otx'.

will be added

X\