SALMOS 79

1Nman Dios, ke xjal mya ocslal ti'ja ma che octz tuj tx'otx' etzan tu'na. Ma baj cytz'ilsa'n tjaya xjan ex ma baj cyxitun aju tnam Jerusalén. 2Aju cyximlal ke tmajena ex cyximlal keju o che niman teya, ma txi cyk'o'n tu'n tajben te cychi' c'utz ex ke jil te tjak' c'ul. 3Ma baj chitj cychc'el mer ic tza'n a' tuj enter tnam Jerusalén, ex mi a'l ba'n tcu'x makunte cye. 4Ma ko oc xmayine cyu'n ke kvesine; ex ma ko oc tze'ne cyu'n keju ate' ki'jele. 5Nman Dios, ¿jtoj txi tcolina tu'n tk'ojina ki'je? ¿Cucxpe ctzajel tk'oja ki'je mer ic tza'n k'ak' in c'ant? 6E ttzaj ttx'u'jila cyi'j ke nasyon mya ocslal ke ti'ja, akeju minti' ojtzki'na cyu'n ex minti' in tzaj na'n tbiya cyu'n. 7Porque atzun ke jlu o che cub byonte ke tiyjil Jacob ex ma baj cyxitun cytanmi. 8Mi'n cub tk'o'na kcastiwoye tu'n tlaj mya ba'n cybincha ke kxe'chele; k'ak'antz tc'u'ja ki'je porque ma baj kipune. 9Nman Dios, aya clol keye, ko tonintza, ko tcloma ex najsama kile tu'ntzun tjaw nimsa'n tbiya. 10¿Tza'n tten cxel cyma'n ke mastl nasyon cyja': ¿Jatumtzun ta' Cydios? Cuchiwt tz'oc kque'yine oc t-xelin tu'na aju cycamic ke tmajena, tu'ntzun icx cye tu'n tel cynic' ti'j. 11Bintza tk'ajk'ajel cywi' ke pres, akeju tcub cysentens tu'n cycyim, ex cloma ke tu'nju tipumala ma'xix. 12Nman Dios, k'on aja wuk maj t-xel cye ke mastl nasyon cyvesin cyib kuc'ile, tu'n tlaj yol mya ba'n o cyma ti'ja. 13Atzun keye, ako'ye etzan tu'na, ic ko'ye ic tza'n ẍne'l, porque cwentin ko'ye tu'na, cucx cxel kk'o'ne chjonte teya, che xel kbitzane ke bitz te nimbil teya tuj tcyakil tabk'iyil.

will be added

X\