SALMOS 75

1In xi kk'one chjonte teya Dios, in xi kk'one chjonte teya; in tzaj kna'ne tbiya ex in xi ktx'olba'ne ke tbinchbena ma'xix cyxilen. 2In tma'n Kman cyja': Oc tpon tk'ijlalil banimaj wu'ne, cbel nk'o'ne cysentens xjal tuj tumelxix. 3Masque tzaj lu'lun tx'otx' cyuc'ix cycyakil keju najl twitz, pero wu'ne cyuwsa'maj ke tk'ukbil tu'n mi'n cyyucch. 4In xi nma'ne jlu cye ke xjal in jaw cyniman cyib ex ke xjal mya ba'n: Mi'n tz'oc cyk'on cyibe te ma' cyoclene ex mi'n jaw cyniman cyibe; 5mi'n baj cyyoline ka at cyipumale, ex mi'n che oque jawni che yoline. 6Porque aju tu'n tjaw nimsa'n jun xjal, myatzun a in tzaj tuj tjawitz k'ij ex mi tuj telex k'ij, mi tuj lugar minti' cynajbil xjal, 7o'cx ate Dios jwes; at junjun nno'c tk'o'n te ch'in toclen ex atzun junjuntl nno'c tk'o'n te ma' toclen. 8Tzyu'n vas tu'n tk'ab Kman, ex aju vas lu atzun in yolin ti'j tk'oj, tcu'x vin tuj, aju vin smo'maj twitz. Octzun t-xi tko'n aju vin lu, cycyakil xjal mya ba'n cybinchben ate' twitz tx'otx' cxel cyc'a'n tcyakil. 9Atzun weye cucx cxel nk'o'ne tkanil ti'j Tdios Jacob ex cxel nbitzane ke bitz te nimbil te, 10porque tu'n, cnajel cynimbil cyib ke xjal mya ba'n, atzun te xjal tz'aklxix cxel tk'o'n mastl tipumal.

will be added

X\