SALMOS 63

1Nman Dios, aya Ndiose. Tu'n tcyakil wanmiye in chin jyone ti'ja; nimxix tajbil wanmiye ti'ja ex enter nximlale taj ti'ja, ic kine ic tza'n tzkij tx'otx' ma baj tipun ex minti' a' tuj. 2Wajbile tu'n toc nque'yine tuj tjaya ex tu'n toc nque'yine tipumala ex tajwalila. 3Aju tc'ujlalila te weye mas ma' t-xilen twitz ju ank'ibl. Cxel nk'o'ne chjonte teya; 4tuj tcyakil wank'ible cxel nk'o'ne chjonte teya ex cjawil nyec'une nk'abe twitza tu'n nyoline tuc'ila. 5Bi'x ckebel nc'u'je ic tza'n jun xjal in noj tc'u'j tuj jun nintz wa'n tbanilxix, ex cxel nk'o'ne chjonte teya tu'n tzalajbil. 6Oc coẍl kine te konic'an, nnu'la ti'j nc'u'je ex in chin oc tene ximal ti'ja, 7porque aya onil weye. In chin tzalaje tu'nju cwentin kine tu'na. 8Tocxix wanmiye ti'ja ex tzyu'nxix kine tu'n tbank'aba. 9Keju cyaj chin cub cybyo'n che belex max t-xe'pun tx'otx'; 10che cymel tu'n spad, ex che bajel chyo'n cyu'n xo'j. 11Pero akine rey oc chin tzalajele ti'j Dios; cycyakil keju in xi cyma'n jun yol axix toc twitz Dios che bitzal, atzun keju in che nic'an yol, clemetel cytzi'.

will be added

X\