SALMOS 62

1O'cx tu'n Dios in cub txule' wanmiye, tuc'il in tzaj colbil weye. 2O'cxcu tu'n in chin clete ex a in colin wi'je. Mlay chin cub tz'ake tu'nju ate colol weye. 3┬┐Jtoj ban txi cycoline tu'n mi'n cyoc tzokpaje wi'je? Cyaje tu'n ncub cyxitune mer ic tza'n jun tcajonil ja in cub tilj, ex ka ic tza'n jun pe'n nokx tu'n tcubcu tz'ak twitz tx'otx'. 4O'cx in che ximane ti'j tu'n ncub cyxitune; aju mas in che tzalaje ti'j, atzunju nic'aj yol. In chin jaw cynimsa'ne tu'n cyyole, pero in cyma'ne mya ba'n wi'je tuj cyanmiye. 5O'cx tu'n Dios in cub txule' wanmiye, porque tuc'il in tzaj aju in chin ayone ti'j. 6O'cx tu'n in chin clete ex a in colin wi'je. Mlay chin cub tz'ake, tu'nju ate colol weye. 7Tuc'il Dios in tzaj colbil weye ex nimbil weye; ate in colin wi'je ex colol weye. 8Akeye tnam xjal cucx ke'c cyc'u'je ti'j Kman. Che yoline tuc'il tuj na'j Dios tu'n tcyakil cyc'u'je. Ate Dios colol ke. 9Ate xjal minti'x tajben, tza'nx ju meba ax icx ju k'inun; ka ma che ocx malet cycabil tuj jun balans, mas ch'in cyalil twitz ch'in cyk'ik'. 10Mi'n tz'oc ke' cyc'u'je ti'j aju nne'l cyxc'a'yine cye xjal, mi'n jaw cyniman cyibe ti'j aju nne'l cyelk'a'ne. Ka ma che oque k'inun, mi'n tz'oc ke' cyc'u'je ti'j pwak. 11Jun maj o yolin Dios; ex atzun cabe yol lu o nbiye: O'cxte Dios at tipumal. 12O'cx teya at tc'ujlalila Nman, ex aya in tzaj k'onte chojbil te teyle junjun ic tza'nx ju tak'unben.

will be added

X\