SALMOS 58

1Akeye at cyoclene: ¿Tzinpe cub cyk'o'ne ke sentens tuj tumelxix ex tzinpe xi cybincha'ne cyi'j xjal tuj tumelxix? 2Minti', o'cx in che ximane ti'j tu'n tbant mya ba'n cyu'ne; ex in cub cyk'o'ne cysentens xjal cyuwxix wen. 3Ke xjal mya ba'n, atxix tuj talbil cytxu' bi'x in che el txalpuj; ax icx ke nic'al yol in che el tzpet bi'x oc cyul itz'j. 4At cyvenen ic tza'n cyvenen lobaj; ic cyten ic tza'n k'anti' nno'c tk'on tib te chcyin, nno'c tmaksi'n tuj t-ẍcyin 5tu'ntzun mi'n tbinte aju tk'ajk'ajel chnab tu'n aj nabl, aju at nim tnabl tu'n t-xmoxin cyi'j lobaj. 6Nman Dios, buchin etza ke twitz cye'. Nman, pa'n etza twitz cye' ke xjal lu; ic cyten ic tza'n ke balun. 7E cycub naj ic tza'n in cub tzkij a' nne'l kojl; e cytzkij ic tza'n c'ul at ttzi be. 8E cycub ulj ic tza'n ju sjok'txa'n nne'l ulj tujx ta'l ttzi', ex e cyoc ic tza'n jun c'wa'l nnu'l itz'j na'nx tpon tk'ij tu'n tul itz'j. 9Na'nxtok cyna'nte, jurat naj che jawil tx'emin ic tza'n c'ul, ex che xel k'i'n tu'n ttx'u'jil Dios ic tza'n in xi k'i'n jun ti'xti tu'n xcyakinpaẍ. 10Aju xjal tz'aklxix ctzalajel oc toc tque'yin otok xelin cyi'j; cnojel ti'j tkan tu'n cychc'el ke xjal mya ba'n otok che cyim tuj k'oj. 11Octzun cyma' xjal: Ax toc at jun tbanil chojbil cye ke xjal tz'aklxix. Ax toc at jun Dios in cub k'onte cycastiw xjal.

will be added

X\