SALMOS 53

1Ke xjal minti' cynabl in cyma'n: Minti' Dios at. Cycyakil ma che el tzpet; jumajx mya ba'n in cybincha'n; misicyer jun in binchan ba'n. 2Max tuj cya'j in che tzaj tque'yin Dios ke xjal tu'ntzun tque'yinte ka at jun at tnabl ex ka at jun in ximan ti'j Dios. 3Cycyakil ma che el tzpet, junx ma che el cycyakil ex minti' cyajben. Mi a'l jun in binchan ba'n, misicyer jun. 4Minti'x cynabl ke binchal mya ba'n. Akeju in che yajlan cyi'j ke xjal etzan wu'ne, tuj cywitz ka mya il jlu, ex minti' in tzaj cyna'n nbiye, chi Dios. 5Masque mi a'l jun xobtzal cye, pero che jawil lu'lun tu'n cyxobil, porque cbajel t-sputun Dios cybakil ke aj k'oj. Oc che oquel tuj xmaybil porque ic'un ke tu'n Dios. 6Cuchiwt tzaj colbil cye aj Israel twi witz SiĆ³n. Oc cyajtz meltz'aj ke xjal etzan tu'n Kman, akeju otok che'x k'i'n pres najchak, oc che tzalajel ke tiyjil Jacob, cycyakil ke aj Israel.

will be added

X\