SALMOS 5

1Bintza ke nyole Nman, k'ontz twi'ya ti'j oc njaw ayayane, 2bintza aju ncubsbile aya Nreye ex Ndiose, porque twitza in chin cubsane. 3Nman, primx in tzaj tbi'na tk'ajk'ajel nwi'ye; cxel nma'ne ke ncubsbile teya ex chin ayole ti'j tzak'webl tu'na. 4Porque aya jun Dios minti' in tzalaja ti'j ju mya ba'n; ke xjal mya ba'n mlay che ank'in junx tuc'ila, 5mlay che cub ten twitza ke xjal in jaw cyniman cyib. In che el tic'una ke xjal binchal mya ba'n, 6in che naj ke xjal nic'al yol tu'na, ex in che el tic'una ke xjal sbul ex ke byol xjal. 7Atzun weye, nok tu'nju tc'ujlalila ma'xix, jacu chin pon lak'eye twitz tjaya; jacu chin c'ulune twitza tu'n tcyakil nimbil, ex tu'n t-xi nque'yine tumlal tjaya xjan. 8Nman Dios, nok tu'n cylaj ke aj k'oj wi'je chin t-ẍakluma, porque tz'aklxixa, ex chin ti'nxe tuj be ba'n. 9Minti' in che yolin jun yol axix toc ex jumajx mya ba'n aju at tuj cyanmi. Aju tuj cykul mer ic tza'n jun pantyón catl, ex aju cytzi' puro nic'al yol. 10Nman Dios, k'oncuya cycastiw ke xjal lu. Mi'n txi tk'o'na ambil tu'n tbant aju mya ba'n in cub cyximan. Ic'un ela ke tu'nju nim il in cybincha'n ex tu'nju ma jaw cyi'n cyib ti'ja. 11Cuchiwt tu'n cytzalaj cycyakil keju nno'c ke' cyc'u'j ti'ja ex cucx tu'n cybitzan tuc'il tzalajbil, porque aya colol cyi'j. Ex keju toc cyc'u'j ti'ja cuchiwt che tzalajx ke tu'na. 12Nman Dios, in cub tcy'iwla'na aju xjal tz'aklxix ex txolin ti'j tu'n t-xtalbila; ic tten t-xtalbila ti'j ic tza'n jun makbil in ajben tuj k'oj.

will be added

X\