SALMOS 48

1Ate Kman Dios ma' t-xilen, ba'n tu'n tjaw nimset tbi tuj tnam etzan tu'n ex twi witz ma tz'el tpa'n tu'n tajben te. 2Tbanilxix que'yin twa'l aju witz tcub tuj tbank'ab tnam Sión, atzun tzalajbil cye xjal tuj tcyakil twitz tx'otx'. Atzunju tnam teju nintz Rey. 3Ma tzaj tyec'un tib Dios cyuj ke tbanil ja tuj Jerusalén; ate Dios jun colbil axix toc cye xjal. 4Oc cychmon cyib ke rey ex junx e pon tu'n cyoc tzokpaj ti'j; 5pero tej cyque'yinte aju tnam e jaw labin ti'j, tzaj baj cyc'u'j ex e je'l ok. 6Tzajxix nim t-xobil cyi'j; baj cyxkutz'in cyi'j tu'n ta'w, ic tza'n jun xu'j oc nnu'l itz'j tal; 7ic e baj naj tu'na ic tza'n in che baj naj cybarc aj Tarsis tu'n cyk'ik' in tzaj tuj tjawitz k'ij. 8Ic tza'nxju o tzaj k'ma'n ke, ma kil cyu'n ke tbak' kwitz, aju tnam Jerusalén, aju tnam etzan tu'n Kman Dios aju Tajaw Tcyakil, ccyuwsetel te jumajx tu'n Dios. 9Kman Dios, tuj tmijil tjaya in ko cub tene ximal ti'j tc'ujlalila ma'xix. 10Kman Dios, tuj tcyakil twitz tx'otx' in jaw nimsa'na ic tza'nx toclen tbiya. Tu'n tipumala in tbincha'na aju tz'aklxix. 11E tjaw tzalaj ju witz Sión. E cyjaw t'icpaj tu'n tzalajbil ke tnam te Judá, tu'nju tbinchbena tz'aklxix. 12Che bete ti'jele tnam Sión ex cyajla'n baje ke ja ma' cywa'l ate' tuj; 13cyk'onque cwent ti'j muro toc ti'jele ex cyi'j ke tbanil ja, tu'ntzun t-xi cyma'ne cye ke xjal che ul itz'j te tibajxi: 14Ictzun tten Kman Dios tuj tcyakil tabk'iyil te jumajx. Ate ẍaklul ke te jumajx.

will be added

X\