SALMOS 47

1Tjaw txak'an cyk'abe cycyakile akeye xjal ate'ye twitz tx'otx'. Che sch'ine tu'n tzalajbil twitz Dios. 2Ate Kman at toclen tibaj tcyakil ex il ti'j tu'n cyxob cycyakil xjal twitz; ate Dios jun nintz rey tibaj tcyakil twitz tx'otx'. 3Tu'n Dios cub cyi'j ke tnam ex ke nasyon, ex e cyaj tk'o'n tjak' kcawbil. 4Jaw t-sc'o'n tx'otx' te ketzbil, ako' aj Israel, cyja'tzun in ko tzalaj ti'j jlu ex c'ujla'n ko' tu'n. 5Ma jax Kman Dios tu'n tcub ke' tuj tk'ukbil, ex lu ke xjal in che sch'in tu'n tzalajbil ex nno'c cyk'ajtza'n chun. 6Che bitzane, che bitzane bitz te nimbil te Dios. Che bitzane, che bitzane bitz te nimbil te Krey. 7Che bitzane jun salmo te nimbil te Dios, porque ate Dios Rey tibaj tcyakil twitz tx'otx'. 8Ate Dios Rey cyibaj cycyakil nasyon ex ma cub ke' tuj tk'ukbil xjan. 9Ke nejenel cyuj mastl nasyon ma tz'oc cyjunin cyib cyuc'il ke xjal etzan tu'n Dios, aju Tdios Abraham. 10Ke xjal ma' cyoclen twitz tx'otx', te Dios ke. Ate Dios mas ma' toclen tibaj tcyakil.

will be added

X\