SALMOS 39

1Otok txi ntziyane tu'n tten ncwente ti'j nmodiye, ex tu'n mi'n nbinchane il cyu'n nyole, ex tu'n njac'unteye ntzi'ye, acux cycubsa'n ke xjal mya ba'n nwitze. 2Ex oc nk'on wibe te men, misicyer jun yol xi nma'ne. Ex minti'lpe in yoline ti'j ju ba'n. Atzunju c'ixc'oj wi'je nok cyja' t-xi' tuj tilil; 3o julin wanmiye ttzi nxu'que. Tu'nju nximbetze mer ic tza'n k'ak' jaw c'ant wujxiye, jawtzun tk'ajk'ajel nwi'ye cyuwxix ex xi nma'ne cyja': 4Nman, yec'untza weye jtoj baj nchwinklale ex jte' k'ij chin ank'ile, tu'ntzun tel nnic'e ti'j, mya nim tuj nk'ije. 5Ma tzaj tk'o'na nchwinklale nok te nic'xi k'ij; mya nim wank'ible tuj twitza. Aju cyank'ibl cycyakil xjal ic tten ic tza'n jun xjik'baj c'ujbaj. 6Ic tten xjal ic tza'n xlecun in bet. Nok gan in baj t-sicsan tib tu'n tchmet tk'inumabl, ex minti' ba'n tu'n alcye c'oquel tajwil. 7Cyja'tzun Nman, ┬┐alcye tu'n nyone ti'j? Porque atzun k'ukl nc'u'je ti'ja. 8Chin tcloma cyuj ke wile; mi'n tak'a ambil cye ke xjal minti' cynabl tu'n cyxmayin wi'je. 9Oc nk'on wibe te men ex minti' in k'ajte, porque tu'na ma chin c'ixbisete. 10K'i'mela aju castiw tcub wibaje tu'na; ch'ix nnaje tu'nju yajbil tu'na. 11In xi tcawina aju xjal in tbincha'n mya ba'n oc tcub tk'o'na tcastiw, ex in naj tu'na aju mas in tzalaj ti'j, mer ic tza'n tu'n poc' otok baj wa'n. 12Nman, bintza aju nna'j Diose, k'ontz twi'ya ti'j ncubsbile, ttzaja onil weye oc njaw ok'e. Tuj twitza nok jun betin xjal kine, ex nok in chin betje'ye ic tza'nx ke nxe'chele. 13K'i'mela twitza wi'je, chin tk'oncja tu'n ntzalaj ch'ine na'nxtok ncyime.

will be added

X\