SALMOS 36

1Aju mya ba'n in yolin te xjal mya ba'n max tuj tanmi. Minti'x in ximan xjal ti'j ka at tu'n t-xob twitz Dios. 2Nno'c tk'on tib te ma' toclen, ex in baj tyolin tib, tuj twitz ka mlay tz'el nic'baj ti'j tbinchben mya ba'n. 3Jumajx mya ba'n yolin ex nic'al yol, tzpetni tnabl ex ma cyaj tcolin tu'n tbinchante ba'n. 4Oc in cub coẍe' twi twatbil, in baj t-ximan tu'n tbinchante mya ba'n; ax in cyaj ten tuj mya ba'n ex mi'n taj tu'n tcyaj tk'o'n ju mya ba'n. 5Atzunju tc'ujlalila Nman, max japun pon twitz cya'j; ex aju tyola axix toc in japun canun twitz cya'j. 6Aju ttena tz'aklxix ic tten ic tza'n ke nmak witz; ex ke tleya ic cyten ic tza'n mar ma tij ex ma' t-xe'. Nman, aya cwentil cye ke xjal ex ke jil. 7Tbanilxix tc'ujlalila Nman Dios. Cyja'tzun nno'cx cyclon cyib ke xjal tjak' t-xic'a. 8In nojxix cyc'u'j wen tu'nju nim wabj at tuj tjaya; tu'na in xi tk'o'na cyc'a ti'j jun nima tbanilxix wen, 9porque tuc'ila ta' aju twi a' in tk'o'n chwinklal, ex tu'nju t-spic'umala in kile aju spic'un. 10Cucx k'ontz tc'ujlalila cye keju ojtzki'na cyu'n, ex che tcloma xjal ba'n cymod. 11Mi'n tak'a ambil tu'n nbaj wabane cyu'n ke xjal in jaw cyniman cyib, ex tu'n mi'n wex lajo'ne cyu'n ke xjal mya ba'n. 12Cyque'yinxe tza'n tten ma che cub tz'ak ke xjal binchal mya ba'n. Ma che cub tz'ak ex mlay che jaw we' juntl maj.

will be added

X\