SALMOS 35

1Nman, k'ojina cyuc'il keju in che k'ojin wi'je; toc tzokpaja cyi'j keju in che oc tzokpaj wi'je. 2Tzyuma aju tmakbila in ajben tuj k'oj ex ttzaja onil weye; 3tzyuma tlansa ex we'cuya cywitz keju lepcho'c wi'je tu'n ncube cyu'n; k'mantza ka aya clol weye. 4E cyel ok tu'n cych'ixwi keju cyaj tu'n ncub byo'ne cyu'n, ex cyuc'ix keju cyaj tu'n cybinchante jun mya ba'n wi'je. 5Icwit che oc ic tza'n ttxa triw in xi tikan cyk'ik', oc cyex lajo'n tu'n t-anjel Kman. 6Tz'ocwit cybe te klolj ex sjilin tuj, oc cyex lajo'n tu'n t-anjel Kman. 7Minti' jun mya ba'n o nbinchaye cyi'j, pero cub cyk'o'n jun c'obil wi'je ex cu'x cylacu'n jun jul tu'ntzun nxi tz'ake tuj. 8Nokwit minaben tzaj jun mya ba'n cyi'j. Axwit ke che'x tz'ak tuj c'obil in cub cyk'o'n. Ex ba'nwt cycub tz'ak tuj jun mya ba'n. 9Oc chin tzalajele ti'j Kman porque tu'n oc chin cletele. 10Tu'n tcyakil wanmiye cxel nma'ne: ┬┐Alcye juntl ic tza'n teya Nman? In che tclo'na ke meba ex keju minti' cyipun cywitz ke xjal mas nim cyipun cywitz, ex cywitz keju nne'l cyelk'a'n aju at cye. 11In che jaw we' ke xjal mya ba'n te testiw wi'je, ex in chin oque tuj xjel cyu'n ti'j ju minti' ba'n wu'ne. 12Tzaj cyk'o'n mya ba'n weye te t-xel ju ba'n o nbinchaye cye, ex tu'n tlaj jlu in tzaj nim nbise. 13Tej cyyabt ke tzaj nbise cyi'j, oc nk'o'ne nxbalune ch'i'x twitz ex cub nyo'ne we'yaj, ex minti' xi ncoline tu'n nna'ne Dios cyi'j tuj wanmiye. 14O chin bisune nim cyi'j, mer ic tza'n ti'j ntxu'ye, mer ic tza'n ti'j jun wamiwoye ex mer ic tza'n ti'j jun wermaniye. 15Tejtzun ttzaj mya ba'n wi'je cycyakil e jaw tze'n; mer ic tza'n junxitl xjal ke ex minti' ojtzki'n ke wu'ne, minti' xi cycolin tu'n cyyasun wi'je. 16In baj yajla'ne cyu'n ex e oc ten xmayil wi'je, tu'n cyk'oj jaw kitx'itx'in t-xe cye' wi'je. 17Nman, ┬┐cucxpetzun cxe'l tu'na, nok in tzaj tque'yina jlu wi'je? Chin tcloma cywitz keju in che tzanun wi'je mer ic tza'n balun. 18Jacu txi nk'o'ne chjonte teya cywitz nimcu xjal cychmon cyib; jacu jaw nnimsa'ne cywitz tnam xjal nimxix cyajlal. 19Miwt che jaw tzalaj ke aj k'oj wi'je; mi'n tak'a ambil tu'n cyxmayin wi'je akeju in chin el ic'une cyu'n ex minti' jun mya ba'n o nbinchaye. 20Akeju xjal lu minti' in che yolin ti'j tu'n cyten xjal tuj txubtxaj, nok o'cx in che si'min yol cyi'j ke xjal ba'n cymod, akeju najl cyxol; 21in che jaw tze'n wi'je ex in cyma'n: Ma kil tu'n kwitz aju ma tzaj ti'j. 22Nman, ma tila aju in cybincha'n ke xjal lu. Mi'n cyaj tena tu'n mi tk'ajta. Mi'n tz'el lak'e'ya wi'je. 23We'ctza Nman Dios, k'i'mel twatla. Binchantza wi'je ex colina wi'je. 24Nman Dios, binchantza wi'je porque aya tz'aklxix. Mi'n tak'a ambil tu'n cytze'n ke aj k'oj wi'je. 25Mi'n tak'a ambil tu'n cymante ex tu'n tcub cyximan cyja': Atzun jlu kaj, bi'x ma naj ku'n. 26E ttzaj cych'ixwi ex e ttzpet cynabl keju in che tzalaj ti'j ju mya ba'n ma tzaj wi'je; e ttzaj nimxix cych'ixwi ex e tnaj cynabl keju nno'c cyk'on cyib mas ma' cyxilen nwitze. 27E cyjaw tzalaj ex e cyjaw sch'in tu'n tzalajbil keju cyaj tu'n cyque'yinte weye otok chin cambane; ex coc'x tu'n cymante cyja': Ma'xix toclen Kman ex in tzalaj tu'nju ba'n ta' tmajen. 28Oc chin yolile ti'j ju in bant tu'na tuj tumelxix, ex tcyakil k'ij cjawil nnimsa'ne.

will be added

X\