SALMOS 34

1Cxel nk'o'ne chjonte te Kman tcyakil k'ij ex cucx cjawil nnimsa'ne tbi. 2Nim in chin tzalaje ti'j Kman; cybintze ex che tzalaje akeye xjal mans. 3Cynimsa'n jawe Kman junx wuc'ile ex knimsa'n jaw tbi. 4In cubsane twitz Kman ex in tzaj tzak'we'ne tu'n; in clete tu'n te tcyakilju in chin xobtoke te. 5Keju toc cywitz ti'j Kman in tzalajxix cywitz ex mlay cub cych'ixwi. 6In jaw sch'ine tej atine tuj bis, ex in tzaj bi'ne tu'n Kman, in clete tu'n tuj tcyakilju yajbil weye. 7Aju t-anjel Kman in xk'ukin cye keju in che niman te Kman, ex in che clet tu'n. 8Che nic'benchake ti'j, tz'elx cynic'e ti'j, ate Kman puro ba'n. At tzalajbil teju xjal nno'c ke' tc'u'j ti'j Kman. 9Che nimane te Kman akeye pa'maj keye tu'n cyajbene te, porque tzul tk'o'n tcyakilju at tajben cye keju in che niman te. 10Ke tal balun minti' cychi' ex nnic'x we'yaj cyu'n, atzun keju in che cubsan twitz Kman, ctzajel k'o'n tcyakilju ba'n cye. 11Cytzaje nc'wa'l ex chin cybintze: Che xel nxnak'tza'ne tu'n cynimane te Kman. 12┬┐Cyajpeye tu'n cyank'ine nim k'ij? ┬┐Cyajpeye tu'n cytzalaje ti'j cychwinklale? 13Cyjac'um cytzi'ye tu'n mi'n cyyoline yol mya ba'n, ex mi'n che nic'ane yol. 14Cypa'mil cyibe ti'j mya ba'n ex cybinchame ba'n; tz'oc tililx cyu'ne tu'n cucx tu'n cytene ba'n cyuc'il xjal. 15Cwentin ke xjal tz'aklxix tu'n Kman ex in tzaj tbi'n cyna'j Dios. 16Atzun ke binchal mya ba'n at tk'oj Kman cyi'j, banin ti'j tu'n cynaj twitz tx'otx' ex tu'n mi'n ttzaj na'ntl cybi. 17In che cubsan ke xjal tz'aklxix twitz Kman, ex in che tzaj tbi'n, in che clet tu'n tuj tcyakil yajbil cye. 18Nikayin ta' Kman tu'n cyclet ke xjal ma tz'oc ta'w bis ti'j cyc'u'j ex minti'tl jatum tu'n toc ke' cyc'u'j. 19Aju xjal tz'aklxix nim yajbil nnic'x tu'n, pero in colpet tu'n Kman tuj tcyakilju in tzaj ti'j. 20Cwentin ke tbakil tu'n Kman; ex mi jun cbel tokj. 21Ke binchal mya ba'n, tu'nxju mya ba'n che najel; cbel cycastiw keju in che ic'un cyi'j ke xjal tz'aklxix. 22A Kman ccolpil cye keju in che ajben te, mlay cub cycastiw keju k'ukl cyc'u'j ti'j.

will be added

X\