SALMOS 32

1At tzalajbil cye xjal in cub najsa'n cyil ex in cub maksi'n cyil. 2At tzalajbil te xjal aju mlay tzaj na'ntl til tu'n Kman ex minti'tl sbubl tuj tanmi. 3Tej na'nxtok tjatz npa'ne wile, o nna'ye ka cyja'tok tnaj nximlale tu'nju in chin ayayane nne'x k'ij. 4Porque k'ijl ex konic'an in c'ixbisanjtze tu'na. Cyja'tzun bi'x baj wipune ex ic in oque ic tza'n ke bech in che cub motx'j tu'n tcyakal k'ij tuj coresma. 5Pero jatz npa'ne wile twitza ex aju nbinchbene mya ba'n; minti' cub wewane ex o nmaye cyja': Cjawitz npa'ne wile twitz Kman; cyja'tzun cub tnajsa'na wile. 6Tu'ntzun jlu, keju nimal teya oc che cubsal twitza tuj tk'ijlalil yajbil cye, ex masque xobajilxix tque'yinc aju nima oc tjaw ch'iy, pero mlay canun cyi'j. 7Aya colbil weye; in chin clete tu'na tuj xobajil, chin bitzale tu'nju at colbil weye tu'na ex txolin wi'je tu'na. 8Chi Kman in tma'n cyja': C'oquel ncwentina, cxel nk'o'ne xnak'tzbil teya, cxel nk'o'ne consej ba'n teya, cxel nyec'une teya alcye be tu'n t-xi ti'na. 9Mi'n tz'oca ic tza'n ke chej ex ka ic tza'n ke mul minti' cynabl ex il ti'j tu'n toc jun pren ti'j cytzi' tuc'ix tak'al tu'n cynimanjtz xjal cyu'n, porque ka mi xbant jlu, mlay che oc lak'e' ti'ja. 10Nim c'ixc'oj tzul cyi'j ke xjal mya ba'n, atzun keju nno'c ke' cyc'u'j ti'j Kman, txolin cyi'j tu'n tc'ujlalil. 11Akeye tz'aklxix ex ba'n ta' cyanmiye, che tzalajxe ti'j Kman; che tenxe alegr ex tjaw tk'ajk'ajel cywi'ye cyuw tu'n tzalajbil.

will be added

X\