SALMOS 28

1Nman, aya colol weye, in chin cubsane twitza mi'n nok chin tzaj tbi'na, chin ttzak'wentza. Porque ka mi'n ma chin tzaj ttzak'we'na, ajun kine chin oquel tajlal cyuc'il keju in che cyim. 2Bintza tk'ajk'ajel nwi'ye oc t-xi nkanine onbil teya, oc cyjaw nk'o'ne nk'abe twitz cya'j tumlal tjaya xjan. 3Mi'n cub tk'o'na ncastiwoye junx cyuc'il ke xjal mya ba'n ex ke xjal binchal mya ba'n, ex nok tu'n cytzi' in cyma'n ka at cyc'ujlalil, atzun tuj cyanmi nojni tu'n mya ba'n. 4K'oncuya cycastiw ic tza'nx ju cybinchben mya ba'n, ex k'onxa chojbil cye ax ic tza'nx ju mya ba'n o cybincha. 5Tu'nju minti' in xi cyniman tcyakilju o tbincha Kman, cyja'tzun che najel tu'n, ex mlay che jaw we'tl juntl maj. 6Nimanxwit te Kman tu'nju ma che tzaj tbi'n ke ncubsbile. 7Ate Kman colol weye ma'xix tipumal, o'cx ti'j k'ukl nc'u'je, ate oninte weye. In tzalaj wanmiye; chin bitzale ex cxel nk'o'ne chjonte te Kman. 8Ate Kman k'olte tipumal tnam etzan tu'n, ex ate onil ex colol ti'j rey jaw t-sc'o'n. 9Cloma aju tnam etzan tu'na Nman, ex cy'iwlama keju o che jaw t-sc'o'na. Tz'ocxa ic tza'n jun pastor, cwentin oca ke ex k'inxa ke tuj tk'aba te jumajx.

will be added

X\