SALMOS 26

1Nman, binchama wi'je porque ma chin bete tuj tumelxix. O'cx ti'ja ma tz'oc ke'xix nc'u'je Nman; 2chin tque'yin baja, chin tk'onca tuj malbil, k'onca ke nximbetze tuj malbil cyuc'ix keju tbis nc'u'je. 3Cucx in tzaj nna'ne tc'ujlalila ex cucx in tene tz'aklxix twitza; 4mi jun maj o chin tene junx cyuc'il ke xjal nic'al yol ex minti' o tz'oc njunin wibe cyuc'il keju xmletz' ke. 5Nne'l wic'une aju buyj tibil cyu'n ke xjal mya ba'n; mi jun maj o chin tene junx cyuc'il ke xjal jumajx mya ba'n ke. 6Jacu tz'el ntx'jone nk'abe tu'n tel nic'baj ti'j minti' wile, waje tu'n nxi lak'e'ye twitz t-altara Nman, 7ex tu'n cyxi nbitzane ke bitz te nimbil teya, ex tu'n cyxi nma'ne ke tbinchbena ma' cyxilen. 8Nman, c'ujla'n tjaya wu'ne jatum najliya, aju lugar jatum tcubsa'n tajwalila. 9Mi'n tak'a ambil tu'n ncyime ic tza'n in che cyim ke aj il; ex mi'n tbinchaya wi'je ic tza'n cbajel cyi'j ke byol xjal, 10akeju cucx in cybincha'n mya ba'n ex in cyc'mo'n pwak nok tu'n mi tcub cysentens xjal cyu'n. 11Atzun weye minti' wile; cyja'tzun chin tcloma, k'ak'antz tc'u'ja wi'je. 12Atzun cycubsa'n nkane tibaj tx'otx' cyuw tten; ex cjawil nnimsa'ne Kman cywitz ke xjal etzan tu'n.

will be added

X\