SALMOS 24

1Te Kman Dios tcyakil twitz tx'otx', tuc'ix tcyakilju at twitz ex cycyakil keju najl twitz. 2Porque tu'n Kman cub tk'o'n t-simyentil tx'otx' ex cub tk'o'n mar ex ke nima. 3¿Alcye jacu jax twi witz etzan tu'n Kman? ¿Alcye jacu ten tuj tja xjan? 4O'cx aju xjal minti' tpaltil ex sak tuj tanmi, minti' in c'ulun cywitz ke tilbilal ex in japun tu'n tcyakil yol in xi ttziyan. 5Ate Kman cbel cy'iwlante xjal lu ex c'oquel tk'o'n te tz'aklxix, porque axte Dios clol te. 6Atzun in bant cyu'n ke xjal in che niman te Kman ex cyajbil tu'n cyten ttxlaj Tdios Jacob. 7Akeye tpwertil tnam ojtxi banin, cyjakom cyibe. Cyjakom cyibe wen tu'n tocx ju Rey nim tajwalil. 8¿Alcyetzun ju Rey lu nim tajwalil? Ate Kman aju nim tipumal ex cyuw tc'u'j. Ate Kman aju in cub ti'j tcyakil tu'n tuj k'oj. 9Akeye tpwertil tnam ojtxi banin, cyjakom cyibe. Cyjakom cyibe wen tu'n tocx ju Rey nim tajwalil. 10¿Alcyetzun ju Rey lu nim tajwalil? Ate Kman aju Tajaw Tcyakil. Ate Kman aju Rey nim tajwalil.

will be added

X\