SALMOS 17

1Nman, bintza tk'ajk'ajel nwi'ye, k'ontz twi'ya ti'j nna'j Diose, porque tz'aklxix kine twitza, porque minti' nne'tz jun nic'aj yol tuj ntzi'ye. 2Tu'na ctzajel tbincha'na wi'je, porque ba'n tu'na alcye aju tz'aklxix. 3Aya in baj que'yinte ke nximbetze; nnu'l aja que'yil weye te konic'an; o chin oc tk'o'na tuj malbil ex minti' ma cnet jun mya ba'n wi'je tu'na. Bajx txi nma'ne jun ti'xti mya tuj tumelxix, 4ic tza'n in cybincha'n txkantl xjal; ma chin el lak'e'ye ti'j cybe keju o'cx in che ximan ti'j tu'n tcub jun xjal cyu'n, ma nbinchaye ic tza'nx in cyma'n ke tmandamyenta. 5Cucx wa'lxix kine tuj tbeya; bajx tz'el npa'n wibe ti'j. 6Aya Dios, ti'ja in jaw tk'ajk'ajel nwi'ye, porque in chin tzaj ttzak'we'na; k'ontz twi'ya ti'j, ex bintza ke nyole. 7Yec'untza weye aju tc'ujlalila tbanilxix, porque tu'na in che clet ke xjal, akeju in pon cyclon cyib ti'ja tu'ntzun mi'n cynaj cyu'n ke aj k'oj cyi'j. 8Chin tcwentin oca ic tza'n t-santil ke tbak' twitza; chin tcloma tjak' t-xlecumal t-xic'a 9cywitz ke xjal mya ba'n in che oc tzokpaj wi'je, ex cywitz ke aj k'oj wi'je cytxolin cyib wi'je tu'n ncube cyu'n. 10Akeju xjal lu cyuwxix cyanmi, in che yolin tuc'il cynimbil cyib; 11nikayin lepch ke wi'je ex in che ayon ti'j nok jnic' or oc ncub tz'ake cyu'n twitz tx'otx'. 12Ic cyten ic tza'n ke balun in che cub ten xk'ukil tu'n ttzyet jun cycanb, ex ic tza'n jun tal tman balun nno'cx yut'e' tuj tewbil. 13We'ctza Nman, we'cuya cywitz ke jlu. Xon cuba ke twitz tx'otx'. Chin tcloma tu'n t-spadiya cywitz ke xjal mya ba'n; 14chin tcloma tu'nju tipumala cywitz ke xjal lu, Nman; lajo'n exa ke twitz tx'otx' lu, porque atzunju cyetzbil at tuj cychwinklal lu. Nok cucx que'yinxa ke, e tchmet nim cyk'inumabl tu'ntzun cywa'nxix ke cyc'wa'l ti'j, ex tu'n t-sobryintl cye ke tal cychman. 15Atzun weye, c'oquel nque'yine twitza tu'nju tz'aklxix kine; oc chin jawil tzalaje oc toc nque'yine twitza, oc tel nwatle.

will be added

X\