1 Nman Dios, chin tcwentin oca porque ti'ja ma tz'oc nclon wibe. 2 O txi nma'ne teya: Aya Nmane, nok tu'na in chin tene tuj txubtxaj, mi jun jacu pon ic tza'n aya. 3 Keju ba'n che niman Dios ex keju tz'aklxix ate' twitz tx'otx', nim in chin tzalaje cyi'j, 4 atzun keju in che ajben cye junxitl dios, tzul nimxix bis cyi'j. Mlay chin tene cyuc'il oc t-xi cyk'o'n chic' te jun chojbil te cydios, mlay txi nma'ne aju cybi ke cydios. 5 Nman, o'cxcu aya wetzbile; nim in tk'o'na weye, ex tuj tk'aba ta' nchwinklale. 6 Tbanilxix ju tx'otx' ma nc'ulbaye, mejorxix aju wetzbile ma tzaj k'o'n. 7 Cxel nk'o'ne chjonte te Kman porque a in tzaj k'onte nnable, ex a in tzaj k'onte xnak'tzbil tuj wanmiye te konic'an. 8 At Kman wuc'ile tcyakil maj, ex tu'nju at ntxlaje tuj nbank'abe, mlay chin yucche. 9 Cyja'tzun at nim tzalajbil tuj wanmiye; tcyakil nximlale c'oquel cwentin tu'n mi'n tnaj, 10 porque mlay cyaj tk'o'na wanmiye tuj cynajbil cyimni ex mlay chin cyaj tk'o'na tu'n ttzuwix nximlale, akine nimal teya. 11 Tzul tyec'una weye aju tbeyil chwinklal. At nim tzalajbil tu'n ntene tuc'ila, at nim achbil tuc'ila te jumajx.
