SALMOS 15

1Nman Dios: ¿Alcye jacu najan tuj tjaya? ¿Alcye jacu najan twi witz xjan aju etzan tu'na? 2O'cx aju xjal in bet tuj tumelxix ex in tbincha'n aju tz'aklxix, aju in tma'n jun yol axix toc tu'n tcyakil tanmi; 3aju minti' in yolin mya ba'n ti'j juntl; aju minti' in tbincha'n mya ba'n ti'j tamiw, ex minti' in xo'n yol ti'j tvesin; 4aju ic'un tu'n aju xjal ic'un tu'n Dios, ex in che jaw tnimsa'n keju in che niman te Kman, aju in japun tu'n aju trat otok txi ttziyan masque mya ba'n ma tz'ela; 5aju in xi tk'o'n tpwak te cych'ex xjal ex minti' in tkanin ta'l, ex aju minti' in tc'mo'n pwak in tzaj oyin te tu'n tcub t-sentens jun xjal minti' til. Aju xjal in bant tcyakil jlu tu'n tuj tumel, mlayx cub tz'ak.

will be added

X\