1 Nimanxwit tbi Kman. Che bitzane jun bitz ac'aj te Kman; cynimsa'n jawe cyxol ke xjal nimal Dios oc toc cychmon cyib. 2 Che tzalajxe akeye aj Israel najl keye tuj tnam Sión, porque ate Dios binchal cyeye ex cyreye. 3 Cynimsa'n jawe tbi in che bixane, cybitzanxe ke bitz te tuc'il tk'ajk'ajel twi chnab arpa ex tampor. 4 Porque in tzalaj Kman ti'j ju tnam etzan tu'n; in tzaj tk'o'n cambabl cye xjal mans, ex atzun jlu nimbil cye. 5 Che tzalajxe akeye nimal Dios tu'nju ma che cambane, ex che bitzane tuc'il tzalajbil oc in che ojlane twi cywatbile. 6 Cynimsa'n jawe tbi Dios tu'n tk'ajk'ajel cywi'ye, ex tuc'ix jun spad te cabe pac' ttzi' tuj cyk'abe, 7 tu'ntzun t-xelin cyu'ne cyi'j ke nasyon mya ocslal ke ti'j Dios, ex tu'n tcub cyk'o'ne cycastiw ke tnam, 8 tu'n tbaj cyc'alo'ne tu'n caden c'uxbil ke rey ex ke xjal ma' cyoclen, 9 tu'ntzun tjapun cyi'j aju sentens tz'ibamaj. A jlu jun nimbil cye cycyakil ke nimal Dios. Nimanxwit tbi Kman.
