SALMOS 146

1Nimanxwit tbi Kman. Cjawil nnimsa'ne Kman tu'n tcyakil nc'u'je. 2Cjawil nnimsa'ne Kman acux itz'x kine; cxel nbitzane bitz te Ndiose acux atinxe twitz tx'otx'. 3Mi'n tz'oc ke' cyc'u'je cyi'j ke xjal ma' cyoclen, porque ax xjal ke, ex minti' colbil cyuc'il, 4oc cycyim oc che oquel te kuk juntl maj, ex axtzun k'ij lu cbajel aju otok cub cyximan tu'n tbant. 5At tzalajbil teju xjal in tc'mo'n onbil tu'n Tdios Jacob ex nno'c ke' tc'u'j ti'j Kman, aju Tdios. 6Tu'n o bant cya'j tuc'ix tx'otx' ex mar ex tuc'ix tcyakilju at cyuj. Cucx in japun tu'n Dios aju yol in tzaj ttziyan. 7In xi tbincha'n cyi'j keju in che baj yajla'n ex in xi tk'o'n cywa keju nne'l cyc'u'j. In che etz ttzokpi'n Kman ke pres; 8In jaket cywitz ke moẍ tu'n, in che jaw twaban keju o che cub tz'ak; in tc'ujla'n ke xjal tz'aklxix; 9in colin Kman cyi'j ke stranjer xjal ex in che oc tcwentin ke c'wa'l minti' cyman ex cytxu' ex cyuc'ix ke meba xu'j; atzun cye xjal mya ba'n in che el tzpet ti'j cybe tu'n. 10Aya tnam Sión, cucx ccawil Kman; aju Tdiosa cucx ccawil tuj tcyakil tabk'iyil. Nimanxwit tbi Kman.

will be added

X\