SALMOS 143

1Nman, bintza nna'j Diose; k'ontz twi'ya ti'j ncubsbile. Chin ttzak'wentza porque tz'aklxix teya ex tcyakilju in tzaj ttziyana in japun tu'na. 2Mi'n chin oc tk'o'na tuj xjel cyi'j ke npaltile akine tmajena, porque mi a'l jun minti'wt til twitza. 3In chin yajlanjtze cyu'n aj k'oj wi'je; mer ic tza'n in chin baj pach'u'ne cyu'n twitz tx'otx'; ma chin ocx cyk'o'n tuj klolj ic tza'n keju o che cyim. 4Ma baj nc'u'je tuj bis; ma tzaj t-xobil wi'je. 5In tzaj nna'ne ke tk'ijlalil ojtxi ex in chin ximane ti'j tcyakilju o tbinchaya. 6In che jaw nyec'une ke nk'abe twitz cya'j tu'n ncubsane twitza, in txket wanmiye ti'ja ic tza'n tzkij tx'otx' tajbil a'. 7Nman, chin ttzak'wentz naja, porque ch'ix tjatz baj nxewe. Mi'n tz'el tewan tiba nwitze tu'ntzun mi'n woque ic tza'n ke cyimni. 8Te prim yec'untza tc'ujlalila weye, porque ti'ja ma tz'oc ke' nc'u'je. Yec'untza weye alcye tu'n nbinchanteye, porque teya in chin cubsane. 9Chin tcloma cywitz aj k'oj wi'je Nman, porque tuc'ila in pon nclon wibe. 10Chin t-xnak'tzantza tu'n tbant tajbila wu'ne, porque aya Ndiose. K'inxa kine tuj be jikun ti'j porque aya puro ba'na. 11Nok tu'nju ma' toclen tbiya Nman, k'ontza ambil tu'n cucx wank'ine. Chin ti'mexa tuj yajbil weye porque tz'aklxix teya. 12Che najxwit ke aj k'oj wi'je tu'na, tu'nju at tc'ujlalila wi'je. Che najxwit cycyakil aj k'oj wi'je tu'na, porque akine tmajena.

will be added

X\