SALMOS 142

1Tuc'il tk'ajk'ajel nwi'ye cyuwxix in chin jaw sch'ine ti'j Kman, tuc'il tk'ajk'ajel nwi'ye cyuwxix in xi nkanine tu'n ttzaj k'ak'an tc'u'j wi'je. 2In xi nma'ne nbise te, in xi nma'ne ju yajbil weye te, 3oc in tzaj baj nc'u'je tuj bis. Nman, ojtzki'n tu'na aju in bant wu'ne. Ma cub cyk'on jun c'obil tuj be jatum in chin bete. 4Que'yintza tuj nbank'abe, mi jun in tzaj onil weye. Mi a'l jun in colin wi'je. Mi a'l jun in ximan wi'je. 5Nman, in chin cubsane twitza ex in xi nma'ne teya cyja': Tuc'ila in pon nclon wibe; ex ic ttena te weye tzalu twitz tx'otx' ic tza'n wetzbile. 6Bintza oc njaw sch'ine porque minti' wipune. Chin tcloma cywitz keju in che yajlan weye, porque at mas cyipun nwitze. 7Chin ti'mexa tuj presbil weye tu'ntzun tjaw nnimsa'ne. Keju tz'aklxix cbajel cytxolban cyib wi'jele oc tbinchanteya ba'n weye.

will be added

X\