SALMOS 14

1Ke xjal minti' cynabl in cyma'n: Minti' Dios at. Cycyakil ma che el tzpet; jumajx mya ba'n in cybincha'n; misicyer jun in binchan ba'n. 2Max tuj cya'j in che tzaj tque'yin Kman ke xjal, ka at jun at tnabl ex ka at jun in ximan ti'j Dios. 3Cycyakil ma che el tzpet ex in che bet tuj be mya ba'n; junx ma che el ex minti' cyajben. Mi a'l jun in binchan ba'n, misicyer jun. 4Minti'x cynabl keju binchal mya ba'n, akeju in che yajlan cyi'j ke xjal etzan wu'ne; tuj cywitz ka mya il jlu, ex minti' in tzaj cyna'n nbiye, chi Dios. 5Che tzajel lu'lun tu'n cyxobil, porque at Dios cyuc'il keju ba'n che niman te. 6In che oc ten tzacsalte cyximbetz keju mans, pero ate Kman clolte cye. 7Cuchiwt tzaj colbil cye aj Israel twi witz SiĆ³n. Oc cyajtz meltz'aj ke xjal etzan tu'n Kman, akeju otok che'x k'i'n pres najchak, oc che tzalajel tiyjil Jacob ex cycyakil aj Israel.

will be added

X\