SALMOS 138

1Nman, cxel nk'o'ne chjonte teya tu'n tcyakil wanmiye; chin jawil bitzane cyi'j ke bitz teya, mlay chin xobe cywitz ke cydios xjal. 2Chin bel ẍmeje'ye tumlal tjaya xjan tu'n t-xi nk'o'ne chjonte ti'j tc'ujlalila ex ti'j tyola axix toc, porque o tz'oc tk'o'na mas ma' toclen tbiya ex tyola twitz tcyakil ti'xti. 3Tej ncubsane twitza in tzaj ttzak'we'na, ex oc mastl wipune tu'na. 4Cycyakil ke rey te twitz tx'otx' che jawil nimsante teya oc cybinte aju yol tzaj ttziyana. 5Cjawil cynimsa'n tbi Kman ti'j tcyakilju in bant tu'n, porque ma' tajwalil Kman. 6Masque ma'xix toclen Kman, pero in che tzaj tque'yin ke xjal mans, atzun ke xjal in jaw cyniman cyib, najchak in che tzaj tque'yin. 7Ka ma chin tene tuj xobajil in chin clete tu'na tu'n mi'n ncyime; in tzaj tyec'una tipumala ex in chin clete tu'na oc in tzaj cytx'u'jil aj k'oj wi'je. 8Cjapunel tu'n Kman aju t-ximbetz wi'je. Nman, ctel tc'ujlalila te jumajx; mi'n cyaj tcolina aju ak'untl o tzyet tu'na.

will be added

X\