SALMOS 137

1Tej kcub ke'ye ttzi nima tuj Babilonia, o oc tene ok'el tej ttzaj kna'ne aju ktanmiye Sión, 2jaw kyobane ke quitar cywi' ke tze' chjaj ate' tuj tnam Babilonia. 3Keju e je'x k'inte keye ex otok che yajlan keye, tzaj cyma'n tu'n koc tene bitzal ex tu'n t-xi kbitzane jun bitz te tzalajbil: cybitzanxe jun cybitz aj Sión, che chi keye. 4¿Baka jacu bant tu'n kbitzane ti'j jun bitz te Kman tuj cytanmi txkantl xjal mya kxjalile? 5Ka ma tzic' tna'la wu'ne aya tnam Jerusalén, ba'n tu'n toc tzkij nbank'abe. 6Ka mi ma tzula ti'j nc'u'je ex ka mya mas nim ma chin tzalaje ti'ja cywitz mastl ti'xti in chin tzalaje ti'j, ba'n tu'n toc tlac'on tib wak'e twitz nc'o'ne. 7Kman Dios, na'ntza aju o cybincha aj Edom tej tcub ti'j tnam Jerusalén cyu'n aj k'oj, cyma: E tcub xitj, e tcub xitj tcyakil tuc'ix t-simyentil, che chi aj Edom. 8Aya tnam Babilonia jumajx cnajela. At tzalajbil teju xjal ck'olte t-xel teya ti'j ju mya ba'n ma tbinchaya ki'je. 9At tzalajbil teju xjal ctzajel tzyunte ke tal c'wa'l ate' tuja tu'n cyoc t-xo'n ti'j abj ex tu'n cybaj puch'j.

will be added

X\