SALMOS 136

1Cyk'onxe chjonte te Kman tu'nju ba'nte, ex cucx c'ujla'n ko' tu'n te jumajx. 2Cyk'onxe chjonte te Dios aju ma'xix toclen cywitz keju nno'c cydiosin xjal, tu'nju cucx c'ujla'n ko' tu'n te jumajx. 3Cyk'onxe chjonte te Kman, aju cyajaw cycyakil keju at cyoclen, tu'nju cucx c'ujla'n ko' tu'n te jumajx. 4Cyk'onxe chjonte teju in binchante ke binchben nim cyipumal, tu'nju cucx c'ujla'n ko' tu'n te jumajx. 5Cyk'onxe chjonte teju binchante cya'j tuc'il nabl, tu'nju cucx c'ujla'n ko' tu'n te jumajx. 6Cyk'onxe chjonte teju cub k'onte tx'otx' tibaj a', tu'nju cucx c'ujla'n ko' tu'n te jumajx. 7Cyk'onxe chjonte teju cub binchante k'ij ex xjaw, tu'nju cucx c'ujla'n ko' tu'n te jumajx. 8Tbincha k'ij tu'n tten t-spic'umal te k'ijtl, tu'nju cucx c'ujla'n ko' tu'n te jumajx; 9tbincha xjaw ex ke che'w tu'n tten cyspic'umal te konic'an, tu'nju cucx c'ujla'n ko' tu'n te jumajx. 10Cyk'onxe chjonte teju cub byonte cycyakil nej cyc'wa'l aj Ejipt, tu'nju cucx c'ujla'n ko' tu'n te jumajx. 11Cyk'onxe chjonte teju etz k'inte cye aj Israel tuj Ejipt, tu'nju cucx c'ujla'n ko' tu'n te jumajx. 12E je'tz ti'n tu'n nim tipumal, tu'nju cucx c'ujla'n ko' tu'n te jumajx. 13Cyk'onxe chjonte teju cub pa'nte Mar Cyak Que'yin, tu'nju cucx c'ujla'n ko' tu'n te jumajx. 14Cyk'onxe chjonte teju ic'x k'inte cye aj Israel tuj tmij mar, tu'nju cucx c'ujla'n ko' tu'n te jumajx. 15Cyk'onxe chjonte teju aj mulk'inte Faraón tuj Mar Cyak Que'yin cyuc'ix ke t-soldad, tu'nju cucx c'ujla'n ko' tu'n te jumajx. 16Cyk'onxe chjonte teju xi ẍaklunte cye ke xjal etzan tu'n tu'n cybet tuj tzkij tx'otx', tu'nju cucx c'ujla'n ko' tu'n te jumajx. 17Cyk'onxe chjonte teju cub byonte cye ke rey ma'xix cyoclen, tu'nju cucx c'ujla'n ko' tu'n te jumajx. 18Cyk'onxe chjonte teju cub byonte cye ke rey nimxix cyipumal, tu'nju cucx c'ujla'n ko' tu'n te jumajx; 19cub byo'n Sehón tu'n, aju rey cye aj Amorrey, tu'nju cucx c'ujla'n ko' tu'n te jumajx; 20ex tuc'ix Og aju rey tuj tx'otx' Basán, tu'nju cucx c'ujla'n ko' tu'n te jumajx. 21Cyk'onxe chjonte teju xi sipante cytx'otx' ke rey lu, tu'nju cucx c'ujla'n ko' tu'n te jumajx, 22ex xi tk'o'n te cyetzbil aj Israel akeju tmajen, tu'nju cucx c'ujla'n ko' tu'n te jumajx. 23Cyk'onxe chjonte teju in tzaj na'nte ke oc koc tuj yajbil ki'j, tu'nju cucx c'ujla'n ko' tu'n te jumajx. 24Cyk'onxe chjonte teju in clon ke tuj cyk'ab aj k'oj ki'j, tu'nju cucx c'ujla'n ko' tu'n te jumajx. 25Cyk'onxe chjonte teju in xi k'onte cywa xjal ex cywa cycyakil txcaj txcup, tu'nju cucx c'ujla'n ko' tu'n te jumajx. 26Cyk'onxe chjonte te Dios at tuj cya'j, tu'nju cucx c'ujla'n ko' tu'n te jumajx.

will be added

X\