SALMOS 129

1Nimcu maj o chin baj yajla'ne cyu'n xjal ttzyetlenx atxix tuj ncu'xumale -icxtzun tu'n cymante ke aj Israel ja'lo, 2nimcu maj o chin baj yajla'ne cyu'n xjal ttzyetlenx atxix tuj ncu'xumale, pero minti' o cub wi'je cyu'n. 3O baj cyc'ixbisa'n ttzal wi'je tu'n asyal, ex bi'x jaket ttzal wi'je cyu'n, 4pero ate Kman tz'aklxix te, ma chin clete tu'n tjak' cycawbil ke xjal mya ba'n. 5Cubxwit cych'ixwi ex che elxwit ok ke aj k'oj ti'j tnam SiĆ³n. 6Che ocxwit ic tza'n c'ul in tzaj ch'iy twi ja ex in tzkij na'nxtok tu'n tjaw bako'n. 7Aju c'ul lu mlay noj tuj tk'ab xjal tu'n, aju xjal in chmon triw ex in baj tc'alo'n tuj che'lin. 8Keju in che bet mlay txi cyma'n cye ke aj k'oj: Awt Kman cub cy'iwlante cyeye. in che cub kcy'iwla'ne tuj tbi Kman, che chiwt.

will be added

X\