SALMOS 122

1Nim o chin tzalaje tej ttzaj cyma'n xjal weye: Ko' tuj tja Kman Dios. 2Aya tnam Jerusalén, ma ko ule ttzi tpwertila. 3Aju tnam Jerusalén mejor binchben te, cyjunin cyib ke ja wen. 4Atzun in che ul cycyakil c'loj cyiyjil aj Israel akeju etzan tu'n Kman, ex in che ul k'ol chjonte te Kman ic tza'nx o tma cye. 5Atzun ate' ke jusgad tu'n t-xi binchet cyi'j xjal, ex atzun ate' ke cyk'ukbil rey tu'n cycawin, akeju tiyjil David. 6Cymanxe tu'n tcyakil cyanmiye aju yol lu: Akeye aj Jerusalén cuchiwt tu'n cytene tuj txubtxaj, ex cuchiwt tu'n cyten tuj txubtxaj keju at cyc'ujlalil ti'j tnam Jerusalén. 7Cuchiwt tu'n cyten tuj txubtxaj ke xjal najl tuj Jerusalén, ex cuchiwt tu'n cyten segur cycyakil ke nmak ja tuj tnam. 8Atzun ja'lo, tu'n cylaj ke wermaniye ex ke wuc'ile cxel nma'ne cyja': Cuchiwt tu'n cytene tuj txubtxaj akeye najl tuj tnam Jerusalén. 9Tu'n tlaj tja Kman Dios c'oquel tilil wu'ne tu'n cytene ba'n.

will be added

X\