SALMOS 118

1Cyk'onxe chjonte te Kman porque ba'nte ex minti' bajsbil te tc'ujlalil. 2Ba'n tu'n cymante ke aj Israel cyja': Minti' bajsbil te tc'ujlalil Kman. 3Ba'n tu'n cymante ke pal cyja': Minti' bajsbil te tc'ujlalil Kman. 4Keju in che niman te Kman, ba'n tu'n cymante cyja': Minti' bajsbil te tc'ujlalil. 5Tej atine tuj c'ixc'oj ex bis in cubsane twitz Kman, in tzaj bi'ne tu'n ex in clete tu'n. 6Ate Kman at wuc'ile, mlay chin xobe. Minti' jun mya ba'n jacu cybincha xjal wi'je. 7Ate Kman at wuc'ile ex a onil weye. Cyja'tzun cwila'ye oc tcub cyi'j keju in che ic'un weye. 8Mas ba'n tu'n toc ke' kc'u'j ti'j Kman ex mya tu'n toc ke' kc'u'j cyi'j xjal. 9Mas ba'n tu'n toc ke' kc'u'j ti'j Kman ex mya tu'n toc ke' kc'u'j cyi'j ke nejenel cyxol xjal. 10Otok baj txolin wi'je cyu'n cycyakil nasyon tu'n cyk'ojin wi'je, pero nok tu'n tipumal Kman cub cyi'j wu'ne. 11Otok baj cytxolban cyib wi'jele, pero nok tu'n tipumal Kman cub cyi'j wu'ne. 12Otok baj cytxolban cyib wi'je ic tza'n ttxu cab, pero jurat o baj cytx'u'jil, mer ic tza'n txkan ch'i'x jurat in baj tz'e'y tu'n k'ak'; nok tu'n tipumal Kman cub cyi'j wu'ne. 13Inx lamo'ne cyu'n tu'n tcyakil cyipun tu'n ncub tz'ake, pero ate Kman ul onil weye. 14Oc chin bitzale te Kman aju k'ol wipumale, porque a clol weye. 15Tuj cyja xjal tz'aklxix nno'c bitz te tzalajbil tu'nju otok cub cyi'j aj k'oj cyu'n. Tu'n tipumal Kman ma cub cyi'j aj k'oj. 16Aju tipumal Kman nimxix toclen. Tu'n tipumal Kman ma cub cyi'j aj k'oj, che chi xjal tuj cybitz. 17Mlay chin cyime, nok o'cx cucx chin ank'ile tu'n t-xi ntx'olba'ne tcyakilju o tbincha Kman. 18Cyuwxix ncastiwoye cub tk'o'n Kman, pero minti' tak' ambil tu'n ncyime. 19Cyjakome tlamel tja Dios nwitze, porque waje tu'n wocxe k'olte chjonte te Kman. 20Atzun ttzi tja Kman jlu, ex atzun che oquex ke xjal tz'aklxix. 21In xi nk'o'ne chjonte teya Nman tu'nju ma chin tzaj ttzak'we'na ex tu'nju aya clol weye. 22Aju abj el cyic'un ke binchal ja ma tz'oc te scyini te simyent. 23A jlu ma tbincha Kman ex in ko labin ti'j. 24Atzun k'ij lu cyaj tma'n Kman tu'n tcub kic'sa'n. Ko tzalajxix ti'j. 25Binchama xtalbil Nman, ko tcloma. Ex binchama xtalbil tu'n ktene ba'n. 26Cy'iwla'nxwit aju tzul, tu'n Kman ma tzaj sama'n. Max tuj tja Dios in che cub kcy'iwla'ne. 27Ate Kman ax Dioste, ex a k'ol spic'un kibaj. E t-xe't nink'ij ex cyi'nxe tk'ab tze' tu'n cypon max ttxlaj tcach altar. 28In xi nk'o'ne chjonte teya tu'nju aya Ndiose, ex cxel nk'o'ne chjonte teya tu'nju ma' toclena. 29Cyk'onxe chjonte te Kman porque ba'nte ex minti' bajsbil te tc'ujlalil.

will be added

X\