SALMOS 113

1Nimanxwit tbi Kman. Akeye tmajen Kman, cynimsa'n jawe tbi. 2Nimanxwit tbi Kman ja'lo ex te jumajx. 3Nimanxwit tbi Kman cyu'n keju najlke tuj tjawitz k'ij ex max tuj telex k'ij. 4Ma'xix toclen Kman cyibaj ke nasyon; tcub tajwalil tibaj cya'j. 5Mi a'l jun jacu pon ic tza'n te Kman Dios; in cawin max tibaj cya'j, 6ex masque icju pero in tzaj moc'e' tu'n tcu'tz tque'yin cya'j ex tx'otx'. 7In jaw twaban Kman aju meba tcub twitz tx'otx', ex aju xjal minti' at te nne'tz ti'n tuj yajbil te, 8tu'ntzun tcub tk'ukba'n cyxol ke xjal ma' cyoclen, cyxol ke xjal ma' cyoclen tuj ttanmi. 9Aju xu'j minti' tal, ctzalajel tu'n Kman tu'nju otok tz'oc te txuybaj, ex ctel tuj tex tja. Nimanxwit tbi Kman.

will be added

X\