SALMOS 112

1Nimanxwit tbi Kman. At tzalajbil teju xjal in niman te Kman ex in tzalaj cyi'j ke tmandamyent. 2Ke tiyjil ju xjal tz'aklxix che bel cy'iwla'n ex ctel cyipumal twitz tx'otx'. 3Ctel nim tk'inumabl tuj tja, ex aju tten tz'aklxix cucx ctel te jumajx. 4Ic tten ic tza'n jun spic'un tuj klolj in koptz'aj cye ke xjal tz'aklxix. At tk'ak'bil tc'u'j, at-xix tc'ujlalil ex tz'aklxix. 5Ba'n nne'la teju xjal in binchan xtalbil ex in xi tk'o'n cych'ex xjal, ex tuj tumelxix in tbincha'n tcyakil; 6cyja'tzun mlay cub tz'ak. Aju xjal tz'aklxix cucx ctzajel na'n. 7Mlay xob oc tbinte tkanil mya ba'n, tu'nju k'ukl tc'u'j ti'j Kman, cyja'tzun cyuw tten. 8K'ukl tc'u'j ti'j Dios, cyja'tzun minti' in xob, c'oquel tque'yin oc tcub cyi'j ke aj k'oj ti'j. 9Xi t-sipan cycotz ke meba; aju tten tz'aklxix cucx ctel te jumajx, cycyakil xjal cjawil nimsante te. 10Atzunte xjal mya ba'n ctzajel ttx'u'jil oc tque'yinte jlu; oc ckitx'itx'il t-xe te' xjal; cheba cbajel tipun ocxi tnaj. In pon cyc'u'j xjal mya ba'n ti'j nimcu, pero mlay cycamba.

will be added

X\